أرجوا النظر لموضوعي ووضعه في عين الاعتبار ومساعدتي فيه

السلام عليكم ورحمة الله و بركاته

عندي اول ولد يدخل الروضة (الله يخليه لي)

وما اعرف شو ابدأ اعلمه لان بصراحة في روضة حكومية و انا في منطقة مش عارفة عنها اي شي عن مدارسهم

و كنت ناوية احطه في مدرسة خاصة بس الله ما كتب ان شا ءالله السنة الياية على خير بدخله خاصة

بس الحين ارجوا من جميع المعلمات اللي عندها خبره وفكرةعن روضة اولى

تخبرني شو اعلم ولدي و كيف و شو الاساليب و من وين ابدأ؟
الصراحة ما اريد اعتمد اعتماد كلي على الروضة اللي هو فيها؟؟

واتمنى اللي عندها شي يفيدني تحطه في هذا الموضوع لاني بالصراحة تشتت من كثر المواضيع و شو اللي آخذه و اللي اخليه

اسمحولي على الاطالة

وين الردود؟؟؟؟؟
وعليكم السلام ورحمة الله وبركاته
أولا أختي لازم يكون فيه اتصال بينج وبين الروضة ومتابعة مع معلمة ولدج الله يخايه
علشان تقدرين تتابعين وياها
وفي أول روضة يدرسوهم الأرقام والحروف وبعض المفاهيم البسيطة وبعض صور القرآن والحديث والأدعية
وهذا كله ما بتعرفيه إلا مع المتابعة مع المعلمة

والسموحة على القصور

السلام عليكم اختي عيون المدينه

أنا معلمه اشتغلت بالخاصه وعقب طلعت منها واتعينت بالحكومه ولله الحمد.
وأعرف الفرق بين الاثنين، يمكن تفرق من روضه لثانيه بالنسبه للخاصه، بس أهم شي يعتمد عالمعلمه.
لكن في الحكوميه كل معلمه مجبره تقدم أحسن ما عندها، وفي النهايه هذيل أمانه عدنا
أقول لج هالكلام عشان حبيت أنصحج إن الروضه الحكوميه واااااااااايد أحسن من الخاصه. ما أنصحج تنقلينه للخاصه. يمكن الخاصه بعضها زين ما أعمم، بس الحكوميه دائما أحسن. وإن شالله تفرحين بولدج لين يكبر
وفعلا مثلما قالت لج معلمه نونو أهم شي متابعة الطفل والسؤال عنه

اترك تعليقًا

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.