المربع

ممكن قصة للشكل الهندسي المربع

انا عملت صورة للمربع وعنديه يدين وعيون وانف وصار المربع يتكلم عن نفسه انا بغير صوتي اقصد يسأل الطلاب هل تعرفوني يقولون لا ثم يسأل هل انا جميل الشكل يقول الطلاب نعم ثم يسال المربع انا صديق لكم اسمي اسمي اسمي لالالالا لن اقول لكم !!!!! ويبدأ بالسلام عليهم واحد واحد ثم يقول ياصدقئي انا عندي اربع مستقيمات متساوية بالطول ويبدأ بالعد معهم للاضلاع الاربعة بعدها يقول لهم بصوت واضح انا المربع ان شاءالله اكون وفرت لك قصة جميلة ومشوقة

مشكورة اختي الغالية على المساعدة
ويزاج الله ألف خير

تهيئة المربع ما سويتها قصه..

سويت صورة المربع.. وغطيتها بـ3 بطاقات رقمت كل بطاقه وحطيت فيهم صور على قياس العدد..

وعلقته على السبورة الصغيره وقلبت السبورة يعني ظهرها جهة الأطفال بحيث يحوي للأطفال أن اليوم لن نستخدم السبوره الصغيره..

وبعد السلام والتحيه في بداية الحلقه..

قلت للأطفال .. أطفال هناك أحد يبكي وكان الأطفال في بداية الحلقه مزعجين ويتكلمون

ومن قلت أطفال هناك أحد يبكي سكت جميع الأطفال.. وكانت الموجهه حاضره فالكل سكت يسمعون من الذي يبكي..

قلت للأطفال هيا نسكت جميعا لنسمع من يبكي .. فسكت كل الأطفال .. وقمت بتقليد صوت أحد يبكي بس من دون ما أحرك شفايفي..

وسويت نفسي أسأل من هناك ؟ من يبكي؟<<<< وجميع الأطفال ساكتين ويسمعون حتى أعتى المشاغبين…

وأكرر صوت البكاء.. وأسأل من أنت وأغير صوتي بصوت المربع وهو يشرح أين هو..

إلى أن وصلنا للسبوره ولقينا البطاقات أخذ الأطفال باختيار البطاقت ليعرفوا ما ورائه حتى وجدوا شكل المربع وتعرفوا عليه..

فكره بسيطه بس حلوه.. الموجهه عيبتها وايد