حفلة تخرج بنتي

السلام عليكم

يا امهات بغيت فزعتكم و خبرتكم في نفس الوقت

بغيت تساعدوني في افكار لحفل تخرج بنتي من الكي جي 2

هاي اول بنت عندي تتخرج ومب عارفه شو اسوي لها .

والسموووووووحه منكم

يالله بالستر
5 بنات داشات .. ولا رد
ع الاقل ارفعن الموضوع جزاكم الله خير
برفع لج الموضوع ونا بعد عندي اول ولد يتخرج وبصراحه ما عندي افكار يا ريت البنات يساعدونا والسموحه
هلا بكم حبايبي

افكار لحفل تسوينه داخل البيت والا احتفال الروضه ليوم التخرج ؟

بانتظار ردك وعساي ع القوه واسعدكم باللي اقدر عليه

بالانتظار

لو الحفل بالمدرسه سوى توزيعات حق التخرج مع اضافه بطاقه عليها اسم وصوره طفلتك حق اصحابها . ولو بالبيت سوى نفس السلفه مع اضافة تجهيز البيت بالزينه ووضع صوره كبيرة حق بنتك وعمل الحلوى وتجهيز صور حتى كليب ارت اى ممكن تكون صوره بدون الوان لحيوانات واسالى كل طفل ماهو اسم هذا الحيوان وشو صوته وجهزى لهم هدايا بسيطه . سوى لعبه الكراسى الموسيقيه.وغيره واتمنى اكون افدتك والف مبروك مقدما حق بنتك
انا بعد انتظر افكار

لانه بنتي بتتخرج من الكي جي 2

واحب افاجأها بالمدرسه بحركه حلوه الشارقة

عزيزتي اختاري موضوع معين (ثيم معين) ونفذي الأفكار كلها بحيث تناسب الموضوع و هذا مثال:
http://www.sez.ae/vb/showthread.php?t=124870
انا بعطيييج فكرة اول شيء اتسويينه تشتريين لها هديه بعديين اذا الحفلة في المدرسة اتفقي مع الادارة وقوليلهم انج تبغيين اتسويين حركة حق بنتج يعني مفاجأة….سوووري مااعرف شوو ياسة اقوول و صدق اني خبلة انا بعدني طالبة سوووري والله سوري لاني رازه ويهي هع
اشتريلها هديه شي تحبه انتي تعرفينه سويله حفله وكيك وزينه و اشياء ووايد
أنا اقولج شو تسوين:: اتفقي مع إدارة الروضة ومعلمة بنوتتج على إقامة حفلة..بشرط ان محد يدري في هالحفلة غيرج انتي والادارة ومعلمة بنتج.. وحلو لو تسوين الحفلة في حصة التغذية للأطفال بحيث يكونون جميع الاطفال موجودين ويحضرون الحفل…طبعا انتي جهزي الكيك والعصاير وقبعات للاطفال وقبعة تخرج بس لبنتج عسب تكون مميزة عن الباقيين… وتزينين المكان اللي يجتمعون فيه الاطفال للتغذية بالبالونات وغيرة من الزينة..وتبدين الحفلة بتكون حلوة الفكرة ..مفاجاة لبنتج وللاطفال وبنفس الوقت لباجي معلمات الاطفال…
هذي فكرتي ان شاء الله تعيبج…
والسموحة الغالية
انا عندي فكرة انج اتسوين في البيت واجهزينها وتلبسينها واتقصين عليهاا ان انتو رايحين مكان او ان حد ياين عندج وتعزمين اهلهاا وتسوين حفلة وتبين هيل بارني وكيك وتوزيعاات والبيت امزين واتخلينهاا تقعد مكان وان انهم كلهم يدخلون عندهااا بارني ورسم الويه والعاب وحركات وبس هذا فكرتي … السموحة يا الغالية..

اترك تعليقًا

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.