في البداية احب ابارك لكم بشر رمضان المبارك وان شاء الله يكون شهر تغيير وتجديد لنا
بصراحة كان عندي استفسار ومحيرني وايد حبيت آخذ رايكم فيه ويا ريت انكم تردون علي بأسرع وقت
سمعت انه اتصالات اصبح مجال من احدى مجالات الادبي , هل صحيح هذا الخبر؟
لانه القصة ومافيها انه انا هاي السنة اخر لي بس ناوية انقل ادبي لانه بصراحة مفروض
اكون في الادبي من السنة الماضية بس كل شي فيه خير , المهم انا سألت ناس بخصوص
هالموضوع بعضهم قالولي اكمل بالعلمي لانه مستواي زين وبعضهم قالولي انقل ما دام انا
مرتاحة , بس الشي اللي شاغل بالي هو التخصص لانه العلمي يفتح كل المجالات بس الادبي
لا , بس الحقيقة اني ناوية ادخل اي مجالمن مجالات الادبي لانه الطب وهندسة مدنية ومعمارية
وصيدلة وطب اسنان و…الخ مستبعداهم على الآخر , فحبيت رايكم واهم شي اباكم تقوليلي اذا
الاتصالات صار من مجال الادبي ولا لأ وهل يقصدون كلية الاتصال (الاعلام وفروعه) ولا هندسة
اتصالات شرات اللي في العلمي ؟
اتمنى انكم ما تتأخرون علي لانه لازم اتخذ قراري بسرعة خلاص بدينا عام دراسي يديد
لازم من اوله يكون صح وهمة عالية لي وللكل ان شاء الله..
في انتظار ردودكم على احر من الجمر
في امان الله
: 
انصحوني لوجه الله
في وداعة الرحمن
الصرااحه انا بنصحج من نااحية العلمي ..
اذا شفتي عمرج اوكي ف المواد العلميه ومستواج مناسب كملي …
واذا العكس دخلي الادبي او حولي ادبي ..
بس اهم شي تشوفين وين رااحتج .. وشو هي طموحاتج واهدافج واي قسم يناسبها ..
وانشالله يفيدونج الاعضاء … ^_^
والسموحه منج ..
و سبحان الله انا بعد كنت ناوية ادخل هالتخصص بعد كم سنة ..! و اتوقع ان (هندسة اتصال) هو علمي..
السموحة هاللي اقدر افيدج فيه…
الله يوفقج
انا اعرف انه هندسة اتصالات علمي بس في مدرسة قالتتلي انه في طالبة قالتلها الحين دخلوا اتصالات في احدى مجالات الادبي , يوم يألتها قصدها اتصال(الاعلام وفروعه) ولا هندسة اتصالات شرات العلمي قالتلي ماعرف فيا ريت لو حد يعرف ما يبخل علي , يعني اعتبروها توجيه ونصيحة لوجه الله..
وعندي سؤال صغيرون : الit شو يتضمن بالضبط ؟ وبعد ما تخلص هالتخصص وين تقدر تشتغل؟
اما من ناحية وين مرتاحة , انا بصراحة مرتاحة في الادبي وودي اكمل ادبي بس اهلنا خربوا راس ابوي وهم يقولوله:
شهادة العلمي اقوى عن شهادة الادبي!!!
يوم تروحين تدورين شغل لو وياج شهادة علمي علطول امورج كلها بتستوي ترتوب لكن الادبي فشينك!!
يوم الجامعة تشوف شهادةبنتك بتاخذ بعين الاعتبار انه بنتك مستواها الفكري وايد زين وفكرها واسع و…الخ , لكن لو كانت ادبي بيقولون هاي حالها حال الناس اللي ماشي حالهم!!!
و وقالوله وايد من هالكلام
انزين هل في صحة في هالكلام؟؟
لانه انا اللي اعرفه لو كنت تبي تخصص ادبي ادخل ادبي وفكك من عوار الراس عقب ادخل مجالك واذا كان تخصص علمي ادخل علمي وشد حيلك وادخل مجالك وكان الله غفورا رحيما لكن سالفة شهادة العلمي اقوى ومستواها مدري كيف ما دخل هالكلام براسي..
طيب يالطيبين ممكن ردودكم وآراكم , لانه ضروري ردكم
(1)
Internet Application Developer
طبعا هالتخصص في البرمجه والتطوير لقاعدة البيانات وتصميم المواقع…
وغالبية مواده برمجه وقواعد بيانات…
(2)
Programmer Analyst (business)
وهالتخصص ايضا في البرمجه لكن في بيئة ادارة الاعمال….
وغالبية مواده برمجه على ادارة اعمال…
(3)
Computer Support Specialist
هالتخصص في الشبكات وانظمة التشغيل…
طبعا مافيه رياضيات وغالبية مواده عن انظمة التشغيل والشبكات…
(نقلته من النت ان شاء الله تستفيدين منه )
و الــIT هو Information Technology يعني تقنية المعلومات اللي هو دراسة عن الكمبيوتر
و بالنسبة لاختيار مجال العلمي او الادبي صراحة حيرتيني!! هو يمكن صح الادبي ما ياخذونهم وايد بس اذا انتي كارهة العلمي و ما تبين تهدّين الادبي توكلي على الله و كملي..^^
و السموحة…^_^
انزين محد عنده فكرة عن هندسة اتصالات؟
انزين والله اني حابة اسمع آراء البقية
يا ريت ما تبخلون علي باللي تعرفونه
في وداعة الرحمن
العلمي يرتكزعلى الفهم اما الأدبي فهو للحفظ .. أنا انصحج أنج اتكوني علمي لانه التخصصات واااايد حلوه وقليله
توكلي على الله
اقدم الشكرلجميع الاعضاء على ردودهم
بصراحة انا ميولي ادبية اكر من كونها علمية وبعدين افكر ادخل اختصاص ادبي ان شاء الله بس الاهل اونه عاد يقولون اللي يدخل ادبي يعتبر وسمة عار و…الخ من هالكلام
انزين بغيد اسألكم في الادبي شو المجالات اللي تتبر احسن مجالات الادبي؟ ولو ما عليكم امر بعد ابي اعرف اللي يدرس الاي تي وين يقدر يشتغل بعدين؟
السموحة منكم بس الناس لبعضها
في امان الله
انتظر ردودكم
ادب انجليزي(المدرسه)…
ترجمه….
