التصنيف: الطلبات

تسلمون على كل الموجود في الموقع وانا جديدة عليه ووايد استفدت منه …
اذا تقدرون تكملون جميلكم وتساعدوني …أبي اقدم خبرة عن أجزاء السمكة و تميز كلمة سمكة وما أعرف شو أسوي أنشطة جماعية وفردية لاجزاء السمكة اذا عندكم افكار بخصوص هذا الموضوع .. او درس على البور بوينت ساعدوني و بسرعة وضروري…

ابحثي عنها وسوف تجدينها بإذن الله

اختي العزيزة انت ما قلتينا كيف تريدين تقسيم الدرس إذا حابه نعملج عرض ما في خلاف عطينا مخطط الدرس نحن حاضرين

أنا عضوة جديدة في هذا المنتدى الرائع..

ممكن تساعدوني …في الحصول على تفريغ الوحدات ( للمستوى الثاني ) ..

أبغي بس الوحدات الأخيرة ( الصحراء ، الماء، المواصلات، الكتاب )..

لأني بصراحة أول سنة أدرس المنهج المطور … ويدور راسي يوم أبدأ في تفريغ الوحدات..

الله يخليكم بسرعة..لأنه مطلوب مني هذا الأسبوع..

مع جزيل الشكر

بصرااااااااااحه كان ودي اساعدج بس احنا في المنهج القديييم بس اكييد راح تلقين المساعده من معلمات التطووووووير .. ماراح يقصروون وياج ..

كان بدوي مساعدتك ولكني أدرس اللغة العربية…

هلا اختي

بصراحه انا عندي المستوى الأول بس مب تفريغ كامل ..

تفريغي الخاص فيني لغرفة التعلم

بس اذا بغيتي مساعده بالشرح ممكن اساعدج ..

وانا في اجازه ليوم الاثنين لو بحاول اييب لج من روضتي ..

على العموم اذا تبين مساعده كلميني واشرح لج بس تراه سهل واااااااااااااايد

لا تحاتين ..

أخواتي

فمان الله

ميثاء

هدى زمزم

شكراً على مروركن ومحاولة المساعدة

ما قصرتوا

بارك الله فيكم

الله يعطيكم العافيه على هذا الموقع الرئع

لو سمحتوا يا مدرساتي الله يجعلة في ميزان حسناتكم يوم القيامة أنا مدرسة يديدة وأريد أفكار حلوة لليد المساعدة، ولوحة الحضور والغياب، وأيام الأسبوع اللهة يخليكم مع الصور وكيفية تنفيذها وبدعيلكم من كل قلبي الله يوفقكم دنيا وآخرة وياريت في أقرب وقت ممكن

لليد المساعده مثلا شكل يد ورافعه إصبع تحطين فيها صورة اليد المساعده. وتحتفظين في باقي الصور.
لأيام الأسبوع مثلا شكل ورده وفي كل بتله يوم، أو دوده وفي كل حلقه يوم.
للحضور والغياب مثلا دجاجه وصور الأطفال على شكل البيض.
هذي أفكار بسيطه أتمنى تستفيدين منها.

تسلمين أختي الغالية على المساعدة والله يجزيج كل الخير

هلا اختي…

انا عندي صور اذا تبين….

اذا حبيتي بعطيج ايميلي لان ما اعرف انزلهم

وربي يوفقج

تسلمين الغالية ما تقصرين أتريا مساعدتج حبيبتي….

ان شاء الله انا طرشت ايميلي لج اول ما تضيفي الايميل بطرشلج اللي تبيه

وربي يوفقج اختيه

اختي انتي ضيفي الايميل،،وبطرشلج اللي تبيه..

والله يكون بعون الجميع

دعواتج

اولا اللة يوفقك اختي بالنسبة لليد المساعدة ترسمين يد وتغلفينها وتوضع عند لوحة اسماء الاطفال مع صورهم وتكون خلفج وأتمنى تختارين بورد صغير وفية اسم الطفل وصورتة وتوضع في نهاية اليوم حنى الطفل يعرف انة سيكون غدا اليد المساعدة اما ايام الاسبوع اختاري بورد خفيف ورقيق وأكتبي فية ايام الاسبوع وتوضع البطاقات ايضا خلفك فوق اللوحة المغناطيسية وبيكون مرتب ورقيق ويمكن تغليف عصفورة أو نحلة وتوضع عند اسم اليوم أما لوحة الحضور والغياب شوفي في مكتبة اجنبية في مركز الشاطئ في جميرا تبيع لوحات جميلة جداً تنفع للوحة الحضور ويمكن تنتظرين معرض الكتا ب فية العجب .. اللوحة ماتكون كبيرة وايد متوسطة وتكتبين اسماء الاطفال مع صورهم وتغلف يمكن تكون على شكل نجمة او وردة .

تسلمين يالغالية وما قصرتي بس ممكن سؤال متى بيفتح معرض الكتاب؟

حبيبتي أطيب قلب مشكورة لانج رديتي علي بس ما اعتقد اني اسوي بطاقات وفلاش لانه الوقت المسموح لي وقت قصير يعني بيكون مثل التمهيد او المقدمة بدون شرح مطول يعني ابدا بكتابة الحرف ع السبورة وذكر كلمات فيها حرف التاء فاذا تقدرين تساعديني