ياحروف التشرد في سفـوح الخيـال
ياجنون ورياحه تـذري المستحيـل
بين هجر السحاب وبين قل الوصـال
مات طفل المشاعر في كفن من عويل
واللحد حزن كاتب في عتيمـه زوال
ماذرى بذر حنطه لجل بـرقٍ وسيـل
بس ضم السحايب عن هبوب الشمال
واستشاطن بجوفه بارقٍ لـه شعيـل
اقبل يزف حلمه فوق روس السـلال
في عرمرم جيوشٍ مالهـا مـن مثيـل
في جبينه شموسٍ مالهـا مـن ظـلال
وفي يمينـه سليـل مايشابـه سليـل
من عزومٍ نقلهـا ماعـرف لحتمـال
ومن طموحٍ يزومه ماعرف مستحيـل
سابـرٍ للمعالـي ماحسـب للثقـال
ومن رضى بالدنايا مانقل لـه ثقيـل
يستمد المراجـل بيـن عـمٍ وخـال
لابته في كنفهـم يستظـل الدخيـل
بس سود النوايا وقفـت لـه محـال
عسس الحقد فيها دون حق ودليـل
ميل الوقت عدله لين طفـف ومـال
وهو من اللى بظنـه ماهقابـه يميـل
مال لين المفارق صار عنـده وصـال
والجحود ونشوزه صار عنده خليـل
ياكفيفٍ ترجـى فـي ليالـه هـلال
مركبه صار قسمه بين ريـح وغليـل
اخلف الموج ظنـه واليالـي طـوال
وفاقد الشوف مدرك كم ليله طويـل
موج يأسه تراكم فوق قشـة منـال
والعزايم تقافت مالهـا مـن ظويـل
المقادير تمضـي بـأذن رب الجـلال
وماكتب بالصحايف جاك حتما قبيل
واهني من قضاهـا قانـعٍ بالحـلال
عاف كثرة وهفها لجـل ربٍ جليـل
ينكسر قلب شاعر فوق صخر المحال
في زمانٍ كثيره نـزر بعـض القليـل
لي غدا الشعر قسمه بين شفٍ ومـال
مات يانع بقبره مانتـج لـه حصيـل
سفسطه قول تسعى بين ظل وضلال
من كتبها عليل ومن سمعهـا عليـل
ياكفوف المعاني فـي فياضـك زلال
دام مقبض رسنها قاف خيل وصهيل
للــشــاعــر
القصيلي
