السلام عليكم ورحمة الله وبركاته ؟؟؟؟؟ عندي طفل يبلغ من العمر 4 سنوات و8 شهور يعاني من الصرع وعمره2 سنتين و7 شهور طيب وديته للمدارس الحكوميه قالو يعاني من الصرع موب عندنا وديه مركز الاحتياجات الخاصه وديته وقبلوة المهم انهم يدرسونه مرتين في الاسبوع الاحد والخميس فقط وبروحه لم يختلط في الاطفال بس هو والابله في الصف مدة 40 دقيقه الدراسه فقط طيب ولدي من انوع الي مزاجي يعاني مثل اول العام كان شاطر ويحب يدرس بس بعدين تغير وصار يبي طفل معاه من هناك من المركز كليوم يمسكه ويصيح يبيه معاه فا المعلمه تستأذن من اوالده وتاخذه مع ابني لين نص الحصه وبعد كذا كل واحد يمكل حصته بروحه بس طفلي يقول حق الابله لما يطلع الطفل ليش طلعتي يوسف انا ما اكلمج انا زعلان منج ويقعد متنرفز في الصف وما يركز قليل اتركيز تقوله المعلمه احمر يقول احمر تقول اصفر يقول احمر يعني ما يركز وايد معاها قالت اول العام كان اوكي معاها بس يبي يتنافس ويا احد وديه اي روضه طيب كيف والروضات مش قابلينه الخاص يقلي هذا الطفل مواطن ليش ما يروح للحكومي والحكومي يقلي حاله خاصه وديه للمركز ذوي الاحتياجات الخاصه وين اوديه اصح للاحتياجات الخاصه ولا في البيت محروم من دراسته الرجو المساعده وشكرا؟؟؟ انا من امارة بوظبي !
ما اعرف شو سالفة المدارس اللي ما تقبل طلاب مواطنين يعانون من الصرع غريبه يعني احنا في مدارسنا عادي ادرسو عندنا اطفال عندهم صرع وانا عن نفسي درست وحده عندها صرع وقريبتي من يوم كان عمرها خمس سنوات درست في روضه حكوميه والحين بثاني ثانوي حكومي وما شاء الله عليها الانجليزي عندها فل شاطره وكانت من المتفوقات يوم كانت بالابتدائيه راجعي اختى الوزاره لا تهملين الموضوع مدام ولدج يتمتع بذكاء فأفضل له المدرسه الحكوميه حرام ينعزل عن اقرانه مدامه ما يعاني من صعوبات اكاديميه كبيره
الحل يا خويتي
.
.
أتكلم بالفصحى
لا تسكتي عن الحق فعلى كل مدرسة تستقبل هذه الفئة فالطفل ليس فيه عيب فكل إنسان له عيب وعيوب ولكننا نرى عيوبنا وبذلك نحصل من وراء أطفالكم الأجر
.
.
فالطفل أن بقى مع المعلمة لوحده إنه سيضجر ويمل ويكل منها ومن تعليمها عليكِ أن تذهبي إلى المنطقة وجادليهم في هذا الأمر فطفلكِ يحتاج إلى المشاركة والتعاون من كل النواحي
.
.
لا تيأسي من رحمة الله
.
.
والسموحة
الاخت ام سهيلة ……..اهلا بك .
اضم صوتي لصوت زميلتي عنيدة واوكد بأن مثل هؤلاءالاطفال يقبلون بالمدارس العادية ولا شيء عليهم وعندنا حالات شبيهة ويعانون من نوبات صرع ومسجلون بالمدارس الحكومية ومن الوافدين كل ما هنالك تؤمن لهم المنطقة رعاية خاصة بالمدرسة الحكومية ……كاعطائهم وقت زيادةى في اداء المهمات ………..ولجان خاصة بالتقويمات يراعى فيها ظروفهم .
خلاصة القول ولدك له الحق بدخول المدرسة الحكومية وليس لاحد الحق بأن يحرمه من هذا الحق
كل التقدير مع أمنياتنا بالتوفيق
