اختي ما تعرف تقرا ولا تكتب عن غيب ابدا مع انها بالصف الرابع
ما تعرف تقرا عربي و لا انجليزي ولاتكتب اي شي الا عن طريق النسخ حتى الحروف الانجليزية
ما تعرفهن مووول !!!
بدت معاناتها السنه الماضيه يوم نقلتها المعلمه – حسبي الله عليها – لصف التربية الخاصه حتى الحروف ما صارت تعرفها
وبعدين نقلناها مدرسه خاصه لقيت اهتمام من المعلمات لرفع مستواها لكن للأسف مافي تحسن
وانا بحكم اني مسؤوله عن المذاكره لها اعاني منها بشكل فظيع وبحكم اني ادرس ما اكون رايقه اصبر
عليها لين تتعلم تكتب بنفسها ودايم اكتب لها الاجابات في ورقه واخليها بس تنسخها 
المهم الحين الامتحانات ع الابواب وشهادتها حق التقويم راسبه في ماده وباقي المواد على حافة
الرسوب وانا اريدها تعتمد على نفسها امنيتي اني اشووفها تكتب صح وبدون ما تشوووف الكتاب او
اني اشووفها تقرا بطريقه صحيحه 
وهي الله يهديها من النوع اللي باله دايم مشغووول باللعب واذا ما خليتها تلعب تقعد تصيح عند الوالده
لين تعصب الوالده علي وتقول اعطيها وقت شويه مع انها طول اليووم تلعب وهالشي يخليني اكره
اذاكرلها او اساعدها في دروسها وانا مالي خلق ..
وكم مره معلماتها يتصلون علي عشان يعرفون سبب ضعفها الدراسي !!!
حتى مره ماطاعت تخليني احفظها سورة من كتاب الدين واليوم الثاني المعلمه ارسلت لي ورقه اني
لازم اكتب لها السبب اللي ما خلاها تحفظ قمت انا وكتبت انها ما طاعت وكانت مشغوووله باللعب
وهو الصدق والله بس شلت الورقه من عندي وعطتها وحده من خواتي وقالت لها انا شو كتبت وقعدت
تبكي وامي عصبت علي قالت اكتبي اي شي !!! انا كتبت جي عسب المعلمه تنبهها …
هذي هي مشكلة اختي او بالاصح مشكلتي ومعاناتي معاها ياليت حد يقدر يساعدني ؟؟؟
وجزاكم الله خير
السلام عليكم ورحمة الله وبركاته
حبيبتي ولا يهمج …… حاولي أنج تخلي دراستها
للعب و تسلية مثلا أخذي ألها من المكتبة قصص مسلية
أو حروف ملونة حاولي تشبكي ألها الحروف وبتستوي كلمات
نزلي ألها ألعاب من النت و خليها كل إجازة تلعب مكافئة لتقدمها
رجعي ألها قدرتها على التعلم وممارسة القراءة وحاولي أنج تنمي من قدراتها
واللهـ يكون فعونج
أختج جوهرة دبا
وان شاءالله يوفقها وينجحهاا
مسكيينه والله
انزين غصبي عليها انها لاتلعب
والسمووحه
نصيحتي لكي أن تتعاملي معها بهدوء تام وحاولي مكافأتها بين الحين والاخر
لا تصرخي عليها ولا تضربيها لأنك بهذه التصرفات تجعليها تكره الدراسة والكتب
وأتمنى لك الموفقية
واذا كان لديك اي استفسار او اذا اردت ان أسأل لك ناس لديهم اختصاص بهذا الموضوع فأرجو مراسلتي على الرسائل الخاصة
تحياتي 
لازم تعرضينها على مراكز معنيه بهالامور .. اهتمي فيها عشان اختج لما تكبر مستقبلها وامج ماتتعب معاها حرام … لاتهملينها .. ومثل ماقالولج خواتي خلي اسلوب تعليمج لها باللعب في كتيبات بالمكاتب للتعليم بس طريقه حلوه بالتلوين والرسم واشياء حلوووووه ..
الله يوفقج ووفقها .. انشالله بتنحل مشكلتها على ايدج وراح يجازيج الله خير في عيالج وريلج انشالله .. لاتخلينها هي اكثر وحده محتاجه لج الحين .
