كيفكو شباب وصبايا؟؟
بغيت من اللي يقدر يساعدني فأوراق عمل لـ درس تعريف 11 و 12 لصف أول 
لأنه باجر عندي درس لأول وانا معلمة احتياط هالاسبوع بديت وياهم
وأعاني من صعوبه فـ شرح وتقديم الماده لأطفال
بس أحاول قد ما اقدر واقدم لهم افضل ما عندي
فأتريا ردودكم وأوراق أعمالكم إذا ممكن
استعيني بهالدرس بالقصص الي عالبوربوينت .. مثلا: ولد يريد الذهاب لشراء هديتين لأمه وواحده لأبيه ..ويمتلك 12 درهما .. دخل محل الحلويات ..
ارسمي حلويات معروضه على كل حلوى قيمتها .. 3 دراهم ..اربع دراهم .. وحلويات ب6 دراهم .. وقوليلهم يالله نساعد الولد .. اذا اخترنا الحلاوه الي ب6 دراهم للأم .. ستكون حلاوه للاب ب.. 4 او 3 او 6 … حددي عشان مايتشتتون ..وتتشتتين معاهم ..
وعقب بينيلهم ان 6 و 6 يكون لنا 12 ..
وعقب ابدي برقمين ثانيين يكونون الرقم 12 مثلا 10 و2 … او 7 و5 بس كله باسلوب القصص المصوره والمرسومه ..
_ صوريلهم العملات .. الدراهم (الكوينز) … وخمس دراهم ..و العشر صوري من كل فئه نسخ على قد عدد التلاميذ الي عندج ووزعيها عليهم بحيث يكون لكل واحد منهم 12 درهم… وسويلهم مثل سوق صغير او معرض صغير لبيع .. ييبي فواكه ..وقرطاسيه .. حلاوه ..واشياء واعرضيها ولبسي بنتين لبس البياع .. وخليهم يبيعون والباقي يشتري بالفلوس الي عطيتيهم .. وماتعطينهم اكثر من 12 وبتشوفين كيف بتفننون لج بالفلوس
وال11 نفس القصه
ربي يوفقج
