ممكن مساعده .محتاجه رؤية ورساله للاختصاصي الاجتماعي

حابة أحط لنفسي رؤية ورساله وتكون لي قاعده ف كل اعمالي وخاصه مع الطالبات بما اني جديده ف هذا المجال فالرجاء مساعدتي …..ولكم جزيل الشكر ..

أي جمله حلوه …او هدف ينفع نستخدمه ….

ولا حد يقدر يفيدني ف الموضوع

السلام عليكم

عندي لج قاعده حلوه وناجحه 100% بس اذا طبقتيها مثل ماهي ..

القاعده هي ….

اول شي صلواتج والسنن لاتتركينهم ولا تهملين السنن ..

الدعاء في كل سجده بعد كل صلاة ..

قرءاة البقرة كل يوم او يومين ..

الابتعاد عن الغيبه الحسد والكره ,,

الطيبه واخذي الامور بهدوء ..

الصوم 3 ايام في الشهر الاثنين والخميس

اذكار الصباح والمساء

صلاة الفجر
هاي اشياء اذا طبقتيها باخلاص نيه وحافظتي عليها بتتيسر لج كل الامور اعلمي اذا طبقتي الاشياء اللي فوق بيتسهلج كل شي …

الحين بخبرج عن الاسلوب اللي تتبعينه في حياتج كونج معلمه

عاملي الطالبات كاخوات ,,

لاتعصبين ولاتتنرفين وحاولي اذا تنرفزتي انج ماتظهرينه امام الطالبات

درسي بضمير واذا في بنت ما فهمت او استحت تقولج ما فهمت حاولي تعيدين الدرس ..

قبل ماتبدين في الدرس قولي دعاء وخلي البنات يرددون وراج ..

لا تخلقين حاجر بينج وبينهم

افرضي احترامج

مثلا اذا بنت غشت وانتي شفتيها بعد الامتحان خذيها على طرف وقوليلها انا شفتج تغشين بس ماحبيت افضحج جدام البنات ,, امتحانج بتعيدينه ومره ثانيه اذا شفتج بطردج من الصف ..

اما المديره والمدرسات فنفس الشي الطبية والاسلوب الطيب طرشيلهم رسايل دينيه اخويه وجذه

هذا اللي عندي وان شاء الله تتوفجين

تحياتي اخوج

جزاك الله خير ماقصرت

الرؤية
المساهمة في تمكين المدرسة من اداء دورها التعليمي والتربوي و تحقيق النمو الشامل للطلبة علمياً و اجتماعيا لتخريج جيل واع لخدمة الوطن .

الرسالة
1- تحبب الطلبة فى المدرسة
2- تنمية مهارات الطلبة من خلال الانشطة
3- اكساب الطلبة مهارات التفكير و التفكر.
4- اكساب الطلبة القيم الاجتماعية الايجابية
5- الشراكة الفعالة بين الاسرة و المدرسة
6- التوعية الثقافية و الاجتماعية و الصحية
7 – ابراز دور المدرسة كمركز اشعاع في المجتمع المحلي .

ويمكن الايجاز او التعديل فيما سبق حسب رؤيتك وضمن الاطار

أخيرا
جزاك الله خير ….ماقصرت

سبحان الله