ندااااااااااااااااء من معلمة

السلام عليكم جميعاّ
ابطرح لكم مشكلة مسببه لي أزمة في الفترة الأخيرة من حياتي في التدريس انا معلمة للصف الثاني لاحظت في الفترة الأخيرة على طلابي كثرة الشغب والازعاج لدرجة صرت أكره الدخول الى الصف وتغيرت معاملتي مع الطلبه وصرت عصيبية بشكل كبير برغم اني والحمدالله كنت معلمة محبوبة عند تلاميذي لكن أبغي ادور طريقة أخفف فيها من ازعاج الطلبة في الصف يعني ابغي اقتراحات تخليني ارجع علاقتي مع طلابي بلطف وأقلل من ازعاجهم لاني بصراحة حيل متضايقة واخاف أضرب واحد في يوم من دون ضبط للنفس ساعدوني بليز كيف ارجع طلابي لحضني مرة ثانية انا تعبت منهم

أولا لازم تيلسين مع نفسج .. وتشوفين السبب الحقيقي وراء عصبيتج .. هل هو شي في البيت .. أو شي في المدرسه .. أو بسبب تعب جسمي .. أو صحي .. …..الخ
وبعدين اتعالجين السبب ..
وبعدين اتشوفين طريقه لرجوع التفاهم بينج وبين طلابج .. يعني حسب طبيعتهم ممكن من خلال حصه تتكلمين فيها معاهم .. لا تقولين صغاريه وما بيفهمون .. بالعكس .. أو من خلال حصة يتعلمون فيها باللعب .. يعني شوفي الآسلوب الأمثل لهم .. وممكن اتشاورين اربيعه لج في المدرسه ادرس نفس الطلبه وتعرفهم مثلج ..
ان شالله أكون فدتج ..
والسموحه الغاليه ..

لا للصراخ…..
تمالكي اعصابك واكضمي غيظك….
اضهري ابتسامة في اوج عصبيتك…
اطلبي منهم التزام الهدوء بصوت واااضح بدون صراخ
قفي دقايق صمت لحد مايحس الطلاب فيك
صدقيني انا مجربة 100%راح تردي تكسبيهم والله يوفقك عزيزتي

السلام عليكم وانا اقرا حسيت اني انا الي كتبت الموضوع لاني انا اعاني من نفس المشكلة وانا عرفت شو السبب انا كنت اضع لطالباتي نجوم على لوحة ولما الطالبة تجمع5 نجوم اقدم لها هدية ولكن منذ بداية الفصل الثاني توقفت عن ذلك ولاحظت ان الطالبات يعملوا نفس طالباتك يا اخت سويرة.