انشاالله يعجبكم
نــزيــل ٍ فالحشى شيّد خيامه .. بجيش الحب وألحقني هزيمه
رماني مـن نظر عينه سهامه .. صويبه ضربته ما هيه سليمه
الله أكبر
الله أكبر
الله أكبر
الله أكبر
أشهد أن لا إله إلا الله
أشهد أن لا إله إلا الله
أشهد أن محمدا ً رسول الله
أشهد أن محمدا ً رسول الله
حيّ على الصلاة
حيّ على الصلاة
حيّ على الفلاح
حيّ على الفلاح
الله أكبر
الله أكبر
لا إله إلا الله
.. في العاصمة ..
غويّة : " الحر الحر ،اعفد يا الله
(بدلع)يا ربيه هالريال لازم يتعبنيه وياه كل صبح
الحر : (بعين مفتوحة والثانية مسكرة): منوه هذا اللي ما يستحي اللي متعّب الغوي؟
غويّة(بخجل) : يا الله اعفد عاده أذ ّن الفير،قم تمسّح وتلبّس،دخّنت لك كندورتك وغترتك
الحر(يقوم متململ): صباح الزعفران صباح الهيل
غويّة(بخجل) : هههه صباح الخزامى وبنفسج العين
الحر : بس بنفسج العين وبنفسج بوظبي شوه فيه؟
غويّة : ههه ما فيه شي بس إنته أدرى شوه الأغوى بنفسج العين وإلا بنفسج بوظبي
الحر(بخبث) : تصدقين عاده أنا ما أعرف فهاللحظة غير بنفسج العين
غويّة(بجديّة مصطنعة) : بـــسّـــك من المراوغ وقم صل الفير
الحر : آآآآآآآآآآآآموت ع المستحيين أنا آآآآآآآآآآموت
غويّة : الـــحـــر،عاده قوم بتفوتك الصلاة فـ المسيد ويا رباعتك
الحر(بنظرة خبيثة) : أحسن عشان أصلي عدالج
غويّة : لا إله إلا الله محمد رسول الله،أخبّرك أنا سايرة أوعي عمتيه وخواتك قم يا الله هههه
الحر : شعنه تضحكين؟
غويّة : سلامة قلبك
[ طاح ع الكرفايه مرة وحدة ]!
غويّة(بفزع) : الحر الحر الحر شوه فيك؟
(تضرب بإيدها ع ويهه) رد عليّه الحر دخيلك رد عليّه
حس بإيدها المرتجفة تروّع عليها!
الحر(فتح عيونه بقوّة) : تروعتي عليّه؟
غويّة : (بارتياح عميق وتفاجأ أعمق) : آآ آآلحر آآآ !!
[ صمت ثقيل…. ]!
قطع الصمت صوت عمتيه
" الغوي أميّه الغوي "
" هآأأآه عمتيه لبيه لبيه عمتيه " !
مسكني بإيديه الثنتين، " فجّ إيدي " !
ظهرت من الحجرة بسرعة
" لبيه الغالية "
" لبيتي حايّة فـ منى وعرفات يا ربيه "
(تطالع الدعنة ) " آمين وياج يا عمتيه "
" أميّه الغوي فيج شي " !
[ ما تعودت منها ذاك الرد حيث إنه المعتاد تكشف ثناياها وآآآآمين مبعثها عميق القلب]
" لا عمتيه ما فيني شي "
" عيل شعنه محمّرة وتتنافضين؟ "
[ حطّت إيدها ع يبهتها لفحتها بحرارتها ]!
" أميّه الغوي مزجومة شي يعورج ؟ "
" لا عمتيه لا بيكون ضربنيه حر واستحرّ جسمي شويه " !
" ما فيني إلا العافية عمتيه ما فيني شي " !
[ ردّدّ خاطرها : نبضيْ يبالهْ ترتيبْ ]!
" عمتيه يعلني أفداج بسير أوعّي البنيّات "
" برايج فديتج "
إربعت لممر غرف البنات،مسكت بواحد من الأعمدة عشان تنصب طولها!
طق طق " اليازية اليازية "
" هآآآآآآآآآه "
" شوه هاه قومي فتحي إلْيَهْ الباب "
(تفرك ويهها بإيدها) " صباح الخير "
" صباح النور "
(بضحكة خافتة) : " أقول يزوي منوه ياب شمس العين هنيه؟ "
(تهمهم) : " أي شمس وين؟ (إدوّر فـ الحجرة )!
" بتحصلينها فوق راسج "……………………………..(نقعت ضحك)
" ويا هالوييييييييييييه تضحكين ع كشتيه والله لأراويج
تربع وراها فـ الحجرة فتحت الباب وظهرت خاري فـ الممر
(على عتبة الحجرة) : " ما عليج ما عليج لقانا ع الريوق أنا براويج
(ميتة ضحك) : " أقولج سيري وعّي ظبّوي بيكون راقدة لين الحين "
" يا الله لا تبطِنْ صلّن وانزلن "
(بقهر)ظبوووووووووووي
تضحك فـ الممر (ابتسامة): " ههه والله هاليوزي عسل "
…. : وأنا هب عسل ؟
,,،
.. في دار الزين ..
منصور : لا إله إلا الله محمد رسول الله
موزة : صبحك الله بالخير والغفران بو ثاني
بو ثاني : صبحج الله بالنور والطاعة
أم ثاني : هاه شوه أصبحت عساك أهون عن البارحة ؟
" الحمد الله بخير وسهالة "
" الحمد الله يا ربيه الحمد الله .. بو ثاني لا تتعِبْ عمرك دخيل الله سايـِرْ ع صحتك "
(بابتسامة هادئة): يا أم ثاني إذا أنا ما و ِجـِفـْتْ للشغل عزة الله يا نضيع
" لا ما نضيع والحافظ الله .. اسمع شوريه جانك بطيعنيه "
" قولي هاتي اللي عندج "
يا طويل العمر .. ولدك ثاني بحيل الله الكريم بيتخرج هالكِرْسْ(هالكورس)وهوه من يتخرج بيتفيج لا وراه ولا دونه عاده إنته سلّمه الخيط والمخيط وريّح عمرك وجابل صحتك
" بس الولد توّه إلا بيتخرج ما يفهم فـ أمور الشركة "
يا بو ثاني .. ثاني اسم الله ما شا الله عليه صليت به ع النبي مخه نظيف وبسرعة يتعلم وإنته إن علّمته إمرة بيتعلّم وبيسِدْ عنك الشغل كله إن شا الله
(يمسح ع لحيته): والله يا أم ثاني شورج زين وأنا بعدنيه بفكّر وبشوف
يا بو ثاني الموضوع ما يباله تفكير وعوار راس إنته اعزم وتوكل ع الله وإن شا الله ما بتشوف من ولدك إلا اللي يسرّك
(مقتنع): خلاص تم إمرة ما نرد لج كلمة شورج وهداية الله يا الغالية
.. فـ حجرة المطعم ..
لطيفة : النور قبضي ويايه الصماط بنفرشه إرباعه…………(يفرشن الصماط)
" فديتج خبّري الشغّالات يحطـّن المجبّات وجيك العصير وأنا بسير أوعّي ثاني وسلطان "
ثاني : ثاني ما يحتاي توعّينه وعى روحه
لطيفة : صباح البنفسج
ثاني : صباح الخزامى،تصدقين من نطري البنفسج والخزامى تطري ع بالي الغوي
لطيفة : هيه فديتها دوم كانت تصبّح علينا إبهن
ثاني : والله يا إنه البيت ما يسوى بلاها !……..(ابتسامات شوق)
" ما خبرتج جانها بتينا جريب ؟ "
لطيفة : لا والله ما أطرت لي شي
" ثاني جيه ما تخبّر بويه يعزمهم ؟ "
ثاني : إن شا الله الحين بشاوره
[ بو ثاني وأم ثاني ينزلون من ع الدري ]
ثاني(يوايه أبوه وأمه): صبحكم الله بالخير والعافية
بوثاني+أم ثاني : صبحك الله بالنور الغالي
" شحالك بويه شأصبحت اليوم عساك أخير عن البارحة ؟ "
" الحمد الله ولديه "
" أخبارك وأخبار جامعتك ؟ "
" يسرّك الحال ولا يضرّك،والجامعة ماشي باجي عليها إلا هالشهرين وبتخرج إن شا الله
" الله يوفجك ولديه "
" أجمعين إن شا الله "
…………………….يت لطيفة من المطبخ
لطيفة(توايه والديها): صباح الخير فديتكم
بو ثاني : صباح النور والسرور والحبور يا وردة البيت
أم ثاني : صباح الخير أميّه
نورة(واقفة ع باب المطعم) : هييييييييه لطفين وردة البيت وأنا شوووووه ؟
لطيفة(بتظهر من الحجرة): إنتي فلّ البيت يا آخر العنقود
بو ثاني(يلوي عليها): إنتي فلّ وياسمين وريحان هالبيت
نورة : هييييييييه أنا أقول بو ثاني ما يطيع زينه فـ بَز ِيْتـّهْ
سلطان(معصّب): هالبزية يبالها تكسير راس
" صباح الخير سمحوا إ ِلْيَهْ يميع "
أم ثاني : صباح النور شفيك ع أختك يا بويه ؟
نورة : بوووويه ريته ريته يقول بيكسّر راسي
سلطان : عن البزا تراني بمصع رقبتج يا المصخة
بو ثاني : راعي سمحة ! محد يصكّ النور ما دام راسي يشم الهوا
سلطان : بوويه لا تبزّي البنات تراه بزاهنْ مصيبة
نورة : تعرف بويه شعنه يبا يمصع إرقبتيه هذا إن طال ظفريه الصغير؟
بو ثاني : شعنه ؟
نورة : ترانيه دقيت عليه الباب وتميت أبغم سلطااااااان سلطاااااااان تقول أزاقر عليه من فوق يبل حفيت ووعيته من عزّ رقاده عاده يوم سمعته بيبطـّل الباب ربعت مطلجة جداكم أتقي شر النائم ِ إذا وعيتهُ من عز نومه ِ
اليميع(عدا سلطان): ههههههههههههههههههههههههههههههههههههههههههههههههه
سلطان(متغيض): ما عليج يا البزية المرة الياية بالمنبه ع راسج لين ينقع صماخج
نورة: الـــلـــه أكـــبـــر تشوف بويه بيجتلنيه
أم ثاني: اسم الله عليج شهالرمسة التعبانة صخي صخي
بو ثاني : خوج يسوي عليج سوالف وإلا هوه ما يرضى عليج، عيل وين لطفين سارت المطبخ ولا ردت علينا؟
ثاني(يبغم عليها): لطفين لطفين…………………….(دخلت لطيفة وفـ إيدها صحن محلا)
سلطان: جدايه جدايه أسمينيه ميّت يوع
لطيفة: هههه بالعافية يا ربيه
سلطان: يعافيج ربيه يا شيخة الحريم هب عرب…………………….(يطالع نورة بنص عين)
نورة: حتى أنا شيخة الحريم هب إلا لطفين
لطيفة : ههههه
سلطان(يصب العسل ع المحلا): سدي ثمج خلينا ناكل
نورة(بقهر): كل حد قبض لك ثمك ما أدل هالعيشة اللي تصرطها وين تروح !
سلطان(برّج بعيونه): أهب اذكري الله
نورة: ما شا الله ما شا الله محد قال شي عوذ بالله كلتنيه بقشوري
أم ثاني : بسّكم بسّكم دوم صك حك بس من هالمناقر
بو ثاني(يرمّس لطيفة): سلمت يمناج ع هالخبيصة الغاوية
أم ثاني : هيه ما شا الله عليها غدت تطبخ أحسن عن أمها
لطيفة: الله يسلمكم فديتكم،الله يذكرها بالخير الغوي خبيصتها أغوى عن خبيصتيه
أم ثاني : كلكن فيكن الخير والبركة
لطيفة: يعلج سالمة يا أميه…………………….(تنغز ثاني)
ثاني: بويه شعنه ما تعزم الغوي وريلها هالخميس؟
نورة : دخيلك بويه اعزم الغوي وخلها تبات عندنا
لطيفة : دخيلك بويه اعزمها والله متولهين عليها
بو ثاني : هاه شوه الراي يا أم ثاني؟
أم ثاني : والله صدقهم العيال تولهنا ع الغوي وسوالفها
بو ثاني : خلاص عيل اليوم المغرب بتصل إبها وبشوفها
لطيفة+نورة(يحبّن راس بوهن): فدييييييييتك يا بويه
سلطان: شوي شوي عن تعفدين فـ الصياني
نورة : أقول كل محلاك
سلطان(بنص عين): بويه أنا برمّس الغوي وبعزمها
بو ثاني : زين بويه
ثاني : يا الله عيل أنا ساير الجامعة تبينيه أوصلج لطفين؟
لطيفة: هيه اصبر لين أتلبس
ثاني: عاده لا تبطين
سلطان: نورة تبينيه أوصّلج؟
نورة : حشا ما أبا أسير بسير عند بويه أنا ما آمن ع عمريه منك أخافك تذبحنيه
أم ثاني : النوووور
نورة : ما تشوفينه حاط دوبه ودوبي،أنا بسير أتلبس بويه تريانيه بسير عندك
بو ثاني: لا تبطين النور
نورة : إن شا الله بويه
سلطان(ميّت قهر): شي فـ خواطركم؟
أم ثاني: سلامة روحك ولديه،لا تبطي ع الغدا
سلطان: إن شا الله أميه،فدعت الله
أم ثاني: فـ حفظ الرحمن الغالي
لاتنسوا تعطوني رايكم 
شكـــــــراً
