أفكار مميزة للمعلمات

الفعاليات في المدارس….منذ فترة تمارس ولكن تحتاج الى ترتيب افكار….
اولا : عمل باجات ( شعار) تضعه المعلمات على ملابسهم او شريطه توضع على اليد وفي فكره ثانيه في الملفع وهذا شي سووه معلمات قسم العلوم وكان اكشن حلوأو كاب وتكتبون عليه شعاركم
ثانيا : اعلان عن الفعاليات عن طريق لوحة خام عند مدخل المدرسة او بوسترات كبيرة
ثالثا: ضيافة عند مدخل الادارة طاولة وقهوه وحلو وطاوله ثانية توضع الاصدارات او هدايا رمزية او يمكن تحطون ستاند لانجازات القسم او ستاند تختارون فيه اجمل كراسة او اجمل خط
رابعا: تأجير شخصيات
خامسا: موسم الشتاء على الابواب لو تأجرون خيمة صغيره يعني كديكور وتحطونها بمكان بالساحه للمدرسات طبعا يفضل مدرسة بنات علشان مايكون فيه فوضى وهالخيمة تقدرون تحطون فيها الضيافة
سادسا: يمكن الاعلان في الاذاعه عن حضور ندوة مثلا في الساعه المعينة وتقدرون تستعينون بأساتذة الجامعه بس تاخذون لهم كتاب موقع من المديرة وتختارون الموضوع وتتجهون لاهل الاختصاص في الجامعه.
سابعا: اذا كان في احد بيسوي ورشة عمل او درس نموذجي على مستوى المنطقة تقدرون تدخلونه من ضمن الفعاليات
ثامنا: طبعا برنامج الفعاليات يطبع ويوزع على المعلمات في المدرسة اقصد الاقسام الاخرى ويمكن توزعونه عن طريق الفاكس للمدارس المجاورة او تكتبون بطاقات دعوة وتبعثونها للمدارس
تاسعا: لا تنسون تسسون دروع للاساتذة اللي داعينهم يقدمون محاضرات
عاشرا: حبذا لو زينتوا الساحه بشعارات وبوسترات عن موضوع فعالياتكم ولا تنسون البالونات
حاولوا عند بداية الفعاليات تشغلون اناشيد عن موضوعكم او اغاني تربويه هادفة
وفي شغله حلوه وايد تقدرون تسوون ستاند متر تقريبا على شكل (عامود روماني) من فلين طبعا وتسوون 2 وتحطون بالوسط شريطه حمره وتخلون المديرة تقص الشريط يعني بدء الفعاليات ويمكن تطيرون حمامه بيضه
واهم شي تجهزون كاميرة تصوير علشان تصورون هذه الفعاليات… وتجمعون هذه الصور والانشطة في ألبوم وتعرضونها لاي زائر وبأي مناسبة تربوية………. هذه بعض المقترحات ونتمنى الكل يستفيد ويفيدنا بما هو جديد