التصنيف: القصص والحكايات

حبيت اليوم اطرح لكم قصهـ ..

بس بتكون على اجزاااء..

يعني لو شفت منك التفااعل وأن في حد يقراهاا ومتابعهاا.. ولو عضو وااحد ..

بكمل وكل مره بنزل لكم جزء..

اما اذا ما شفت اي تفاعل.. >> بيكون مصيرهاا الحذف..

*+*+*+*+*+*+*+*+*

اسم القصهـ …على كف القدر نمشي ولا ندري عن المكتوب…

كاتبة القصهـ >>خلادي

~[البــٍـٍـٍـٍـٍـٍــٍارت الأول]~

على كف القدر نمشي ولا ندري عن المكتوب
عبارة كنت أرددها صدق من صاغ معناها

حميد >> بطل قصتنا..

عمرهـ 23 سنهـ .. طيوووب ورزييين ..وخلووق.. ومحبوب بين أهلهـ وربعهـ ..

خالد >> رفييييجهـ اللي ما يودرهـ ولا سااعهـ ..
لســـانهـ متبري منهـ .. واخريييش واايد ..

هنادي …>>بنووتهـ كيووووت … تحب الكشخهـ ..وسوالف البناات ..
وطلعات المراكز ..وعاد ما تخلي شي بخاطرها الا شرتهـ ..

إبتسام >>اخت هنادي .. قلبهم دوم على بعض..
تحب اختها حيييل ..

هنادي : صباح الخير يا يمااا [ وتبوسها فوق راسهـا ] ..الا اقول ابووي وين ..؟

الام : والله ابوج اليوم روح الصبح يدفع للكهربهـ .. والله حاشرينا من كم يوم وابوج ما دفع لهم ..

هنادي: ايــٍـٍـٍـوااا..

الام : ليش يماا بغيتي شي منهـ .. ؟؟

هنادي : لاا بس بغيت اقولهـ ان سيارتي تعطلت علي وبروح مع ارفيجتي..؟؟

الام: عيل عطيني سويج سيارتج ويوم يرد ابوج البيت أنا بعطيه عسب يوديها الوكالهـ ..

هنادي: خذي يمااا هذا السوييج .. يالله أنا تأخرت مع السلامهـ …

الام : الله يحفظج .. من كل شر..

إبتسام : بسرعه نشت من الرقاد وتلبست .. وقالت هندوووووووهـ … تريي شوي بيي ويااكم ..

هنادي : اووكــٍـٍـٍـٍــي بسرعهـ .. اترياج في السيارهـ ..

إبتسام : ان شاء الله ..

وهم في السيارهـ .. ^^ وعااد الصبح الله يهدييهم امشغلين الاغاني وامعلين على الصوت ..

الييين ما وصلو الجامعهـ الأمريكيهـ ….

واليوم كان اول يوم لهم .. يعني كل شي يديد…

إبتسام و هنادي بكلاس واحد .. لأنهم تقريباً بنفس العمر..

وفي الكلاس..

الاستاذ وهو يرمس هنادي : كود مورنينق هور يووو .. ؟؟

هنادي : هاااا شووو ..><" وييي وييي ابتلشناا شقايل برمسهـ وأنا مييييح في الانجليزي..

الاستاااذ : وآآآآآآآآآآت .. ^^!

وبصوت عااالي ..>> الشباب يضحكون عليهااا.. ومنهم خالد وحميد …

حميد : اقووول .. أنتي كيف دخلتي الجامعهـ .. اذا هو أر يوو ما تعرفينهاا…خخخخخخخ

هنادي: من القفطهـ .. جان تظهر من الكلاس وهي تصيح وتلحقها ابتسام ..؟؟

حميد حس بضيق وقال لازم يعتذر لهاا.. لأنهـ جرحهاا…

هنادي حلفت انه ما تكل دراستهاا..وابتسام تحاول تقنها وتقول لها البسيهم ولا تردين على اي حد ..

وفي البرييكـ ..

حميد لمح هنادي يالسهـ حذال ابتسام في الكفتريااا ..

جان روح حذالهاا هو خلود

حميد : احم احم ..>> السلام عليكم

هنادي وابتسام : وعليكم السلام ..

حميد : ممكن شوي من وقتكم ..؟؟

إبتسام : ممكن ليش لاااء..؟؟

حميد : انا آسف على الحركهـ اللي سويتها فيييج والله مب قااصد .. بس انا اهبل احب اضحك واسوولف .. بس ما كنت قاصد اجرح مشاعرج .. عبالي بتاخذينها بروح رياضيهـ .. أنا يايج الحين عسب تسامحيني..

هنادي..: وهي كلهاا خجل..مسموووح يا خوووي..^^:blushing::blush-anim-cl:

وفي البيت …

وعلى الفراااااش ..

هنادي: بســــوم أنتي راقدهـ ..

إبتسام: هي انا راقدهـ ..

هنادي: جد لا تتمصخرين قومي ابغي ارمسج

إبتسام : اجليها لبااجر…

هنادي : ما ارووووم .. بنفجر…^^

إبتساام : ونشيييت ..>> شو تبييين تحجي..؟؟

هنادي: شو رايج بالولد ..؟؟

إبتسام : اي ولد اللي ياي واعتذر لج ؟؟

هنادي: هييه هذاا ..؟؟

إبتساام :: لا تقولين حب من أول نظرهـ ..

هنادي : لااا لااا شوو حب شو هالخرابيييط .. بس الصرااحهـ له شخصيه وهييبهـ …

إبتسام : له له له له له متى لحقتي تحللين شخصيت الولد .. اقوول انتي شكلج فاااضيه أنا برقد ..

وبنفس الوقت ..

خالد : حميدوووه أنت بلااااك .. وين وصلت ..؟؟

حميد: ما ادري بلاااني..من اول ما شفتها وانا افكر فيهاا..

خالد : حبيتهاا ..؟؟

حميد : ما ادري…

خالد كيف يعني ما تدري…

حميد .: ما ادري بس اللي اعرف انها خذت كل تفكيري…

تابع >>>>

ياشوق الايام تجبل بي وتجفي بـي..وانا على سرجها تحطـم اعصابـي
اسرح مع الفجر والا الليل يسري بي..وانجومها الساهرة تسهر على بابي
تتوحد هموم فكري لاجـل تعذيبـي..واصدها بالصبـر واتنـوخ رجابـي
في غابة موحشـة محـد يدريبـي..وحوشها ضارية وتضحك بالانيـاب

خالد : حمييييييد شوووف شوووف هذي وربي أنهااا طرر…^^

حميد : والله أنك انسان متفيييج خل بناات الخلق بحاااالهن …

خالد : اسمع منو اللي يرمس…؟؟؟

حميد : ليش مب تاارس عينك .. ولا ناقصني شي..؟؟

خالد : اوووهـ بلاااك انت .. ماصارت بنت هذي..

حميد: وربي ما ادري بلاااني… سحرتي هاي البنت وربي انها عذاب..

خالد: اوكي رمسها خذ منها رقمهاا..

حميييد : شو مينوووون .. >> انت شفت كيف كانت معصبه يوم تمصخرت عليهااا والحين اكيد كارهتني..

خالد: لا ما عليييييك بنات هالأياام يتمنون واحد يرمسهم .. ماعلييك انت خل كل شي علي أنا بسويلك ترتيييب وياهاا…

حميد : ترووووم ..؟؟

خالد: وخلووودك يرووم يشوف حميدااان مضااايق…أنا بس أشر وأنا اقولك شبيك لبيييك ..

حميد: فدييييييتك والله أحبك ..

خالد : علييييييييناااااااااا خخخخخخخخخخ

**********

هنادي وهي تسوق سيارتهااا..

وكانت بتروح تشتريلهااا من باسكن..

والحبيييب حميد ويااه خلود كانواا يراقبونهاا وين ما ترووح

المهييييييييييم

دخلت الباااسكن وشرت لهاا وبعدين ظهرت .. وركبت السياره ..

بس ما حركت السيارهـ ابد

حميييد: اوييييييييه خلوود بلاها ليش ما تتحرك ..

خالد : الله يعلم يمكن عندها مشكلهـ في سيارتهاا..

حميد : تقووول جذي..؟؟

خالد : هيه اكيييد الحين يالسه تصييح في السيااره ما تعرف كيف تصحهااا

حميد : اويييييه لا حرام ليش تصيييح ..

خالد : ياا غبي انا اقولك يمكن مب اكيييد هع

حميد : انزييين شو نسوي..

خالد : شو نسوي قول شو اسوي..؟؟

حميد :: ليش بس أنا اسوي…؟

خالد ترااك انت اللي تحبهاا هب أنا .,.

حميد : انزين شو اسوي..

خالد : روح لهاا ودق على دريشتهاا وخل تفتحها لك .. وبعدين قول لها عندج مشكله ممكن اساعدج .. ؟
اونه يعني انت بالصفه شفتها اووكي..؟؟

حميد: وربــي ان افكااارك جهنميه ..^^

خالد: انزيين روووح لهاا شو تترياااا ..

حميد : توكلنا على اللهـ ..

وظهر حميد من السياره … واتجهـ صوب سيارة هنادي..

وبعد ما دق الدريشهـ ..

كانت هنادي عاطتنهـ ظهرهاا.. حلييله حميد ع باله ان هنادي تصييح ..

بس هناادي يالسه تاكل الباااسكن خخخخخ وخرب عليهاا…

لووووووول

حميد : بغيتي شي ممكن اساعدج ..؟؟

هنادي: شووو في شو تبغي تساعدني..؟؟تبغي تاكل الباسكن عني..؟؟

اسمعوااا في شوو تفكر,,,,>> في بطنهاا خخخ هذا هم البناات ..

حميد : لااا لااا شو آكل الباااسكن اذا ابغي بشتريلي…بس قلت يمكن امبنجره عليج السياره او شي..والسموحه على الازعااااج ..

هنادي: الا اقووول مب جني أنا شايفتك … اييي انت نفس الولد اللي تمصخر علي في الكلااااس..

حميد : هيييه هذا انا..

هنادي: يعني انت تراقبني ولا هذي صدفه ..

حميد: تقدرين تقولين صدفهـ …^^

هنادي ما ضنتي أنا صدفهـ .. يمكن تكون مقصوودهـ .. لأن سيارتكم من زماان كانت تمشي وراااي.. صح ولا أنا غلكاانهـ …

حميد: هيه صح أنا من زمان ارااقبج .. بقولج الصج أنا من امس ما رمت ارقد طول الوقت افكر فيييج ..
ما ادري شو صاار فيني..ليش انتي بالذاات ما اعرف.. بس قلت يمكن يصيير شي بيناا لأن هالأحساس غرييب..امم لو ما علييج أمر ممكن نتعرف…؟؟

هنادي: هذا همكم انتوا الشباب بس تلعبووون على البنااات .. اقوول اخوي هذي الحركات جديييمهـ
يعني مب علي.. ولا تخليني آخذ فكره سيئه عنك .. خل صفحتك بيضه وتوكل على اللهـ ..

حميد: بس وربي أنا مب من نوع الشباب اللي انت ترمسين عنهم ..

هنادي: أنا آشفهـ جذي ولا جذي أنت بتبقى ولد وأنا بنت .. ما يستوي اتعرف علييك .. وروح ولا تضاايقني أكثر من جذي..

حميد : اوكي بروح بس على الاقل ابغي اعرف اسمج .. أنا اسمي حميد ..

هنادي..: يهمك تعرف..؟؟

حميد : لو ما يهمني جان ما سألت ..؟؟

هنادي..: اسمي هنادي…

وسكرت الدريشه وروحت ..

وهني حميد تجمد شرات الصخر.. حلييلهـ عيبه اسمهاا..

ولا يسمع هرن سيارة خلوود ..

خالد : حميدوووه .. بلاااك تعال اركب..

حميد : ان شاء الله

خالد: هاا بشر شو صاار .. ان شاء الله وافقت وريحتك

حميد: ويين انت ووين نحن..>> اي وافقت .. الا عطتني محااضرهـ ..

خالد: خخخخخخخخ تستااااهل..

حميد : جب ..><"

خالد : الا اقووول شو صار ويا سيارتهاا… شو فيهاا..؟؟

حميد: اي سيااره اي خراابيط البنت كانت تاكل الباسكن في السياره وانت سويت لنا سااالفهـ ..

خالد: ويييييييييييييييييييييي قفطهـ قويييهـ القط القط ويهك .. خخخخخخخ

*********

هنادي: بسوم .. تدرين اليوم شفت منوو ..؟؟

إبتسام : منووو..؟؟

هنادي: شفتهـ …^^

إبتسام : انزييين منوو..؟؟

هنادي: حميد…

إبتسام: ومنوو هذاا..؟؟

هنادي : هذا الولد اللي تمصخر علي في الكلااس..

إبتسام : لااا وتعرفين اسمهـ ..

هنادي : تدين اليوم كان يراقبني.. جان يقول انه يبغي يتعرف علي..

إبتسام: والله وشووو سويتي.. ؟؟؟

هنادي: عطييييتهـ درس في الاخلاااق.. خخخخخ

إبتساام : حلفي انتي بس..؟؟

هنادي: وربي..

إبتسام: والله انج انساانه غبيه تضيعيين لقطه من ايدج …

هنادي: شو تدرين ما احب هاي السوالف ويمكن يبغي يلعب علي.

إبتسام : لا اكييد يحبج ولا جان ما لاحقج وين ما تروحيين ..

هنادي: يعني خلااص راح من ايدي..؟؟

إبتسام : لا لا تراج بشوفينه في الكلاس.. واذا كان صدق يحبج .. بيسو المستحيل عسب تحبيينهـ ..

هنادي: شوو جي فلم هندي..؟؟

إبتسام: حبيبتي الحب ما يعرف الهندي والمصري..^^

هنادي: خخخخخخخخخ

إبتسااام : بس لازم تثقلين عسب تكبرين اكثر بعيوونه..

هنادي: جي تقولين …

إبتسام: انتي تحبيينهـ ليش جي تسويين ..

هنادي: لا لا ما احبه .. بس اضني معجبهـ …خخخخخخ

لولاك ما حبيت لولاك .. ولا عشت في دنيا المحابيب..
شفت الهوى والطيب وياك.. بحساس وأقوال وأساليب..

وفي الصباااح .. بعد ما اشرقت الشمس نشت هنادي من الرقااد ..

وهي طااايرهـ من الوناااسهـ .. تحس ان بيستوي شي يغير مجرى حياتهاا..

بس على عكس اختها بسووم ..

اختها نشت وهي مضااايقهـ حدهااا..

سألتهااا.. هنوي شو فيييج ..؟

يسوم: مضاايقهـ حدي..

هنوي : افااا ليييش شو صااير..؟؟

بسوم : امس الفليل ودرتهـ …؟؟

هنوي: منوو ودرتيييه .. جاسم ..؟

بسوم: ليييش في حد غيرهـ ..؟

أنا ما قلت لكم سالفت جاسم هذا ..

هذا واحد تعرفت عليه ابتساام .. وصار لها فتره ترمسه وتظهر ويااهـ ..

ياما نصحتها اختها هنادي انها تودرهـ بس ما فااد ويها النصح ..

والحييين .. شوفوو حالتها وين وصلت ..؟

هنادي..: انزين لييش شو صار من بينكم .. ليش ودرتوا بعض وانتوا تحبوون بعض من صدق..؟

بسوم: .ز والله أنا الهبلهـ .. اللي صدقتهـ كل هااي السنيين ..

امس اتصلت فييه جان ترد علي وحدهـ روسيهـ .. واللي فهمتهـ منهاا انها كانت وياه في الشقهـ ..

يوم رمسني هو جان يقول لي أنا مب فاضيلج الحيين وسمعت صووت ضحك وبند في ويهي بعديين ..

هنادي : اياا الحقييير النذل .. ليش سوى جي والله الشباب مالهم أمااان ..
بس خلاص حبيبتي لا تصيحيين وتعورين رااسج .. ان شاء الله بييج ولد الحلاال وينسيج لاوي جسووم ..

بسووم: اتهقيين اروم انسااهـ ..

هنادي : لا والله وبعدج كل هذاا ليكون بعدج تحبينهـ ..

بسوم: عمر الحب ما يتحول للكراهيهـ .. يمكن له عذره مب لازم اسمعهـ بالأول ..

هنادي : لاا حبيبتي لا تسمعينه ولا شي اكييد الحين يالس يطلع جذباات عسب يبرأ عمرهـ ..

يالله حبيبتي اكيد ماما وبابا يتريونا تحت خلينا ننزل لهم ..

بسوم : اووكي,.

…………………..

حميد : الوووو ..

خالد : هلاا والله مرحباا بو الشباااب,, مرحباا بالعاشق الولهااان ..

حمييد : اييييييييييييييييييييهييي علينااا عاد من الصبح وانت جي..

خالد : هههههههه شو ما تبغي اذكرك فيهااا.. ولا ملييت منهااا..

حميد : ليش تذكرني فيهاا اصلاً هي ما تفارق خيالي..^^

خالد : ما ارووم على روميووو اذا حب جولييت ..هيييع

حميد: يالله بسك من هاي السوالف. خل نروح الجامعهـ .. ابغي اكحل عيني بشوفتهااا..

خالد: فاالك طيب يالحبيب..

وفي الجامعهـ ..

هنادي يالسه احذال بسوم في الكلااس ..

هنادي .. : بلاه حميد تأخر اليوووم .

بسوم: لا حبيبتي ما تأخر بس أنتي اليوم يايه بسرعهـ .. الا اقووول انتي تقوليين ما تحبينه وليش تسألن عنه,..؟

هنادي: هااا شوو منو قال احبه ..؟هييه صح أنا ما لي دخل فيييه (يسطفل)

وبعد دقايق..

سمعوا صووت الباب يندق .. ^^

هناادي: اكييييد هووو ..شوفي بسووم كل شي ضاابط علي..؟

بسووم: طااالعهـ مثل القمر..؟؟

الاا الباااب ينفتح ..

ويدخل الاستاااذ.. لوووووووووووووووووووووووووووول قفطعهـ ..خخ

وهني بسووووم تضحك بالقوو هي مع هنادي.. وبصووت عالي..

الا حميد وخالد يدخلون ويشوفوونهم بهاي الحاالهـ ..

حميد : احم احم … ياا حلوو هالضحك ..>>

خالد: ضحكونا وياكم …^^

بسووم : هلاا والله نورتوا الصف..

هنادي: سكتي انتي..

حميد : افاا بسوم اختج تتحكم فيييج ..

بسوم: عشتواا ما بغييت … خل تتحكم بعمرها بالأول.. ^^

هنادي .: اضن ان شي محاضرهـ ..

وكل واحد يلس بمكانهـ …

وبعد دقايق.. استأذنت هنادي وروحت الحمام ..

جان بسوم اخذها فرصهـ ..

وطرشت استكر لحميد .. تقول له عطني رقمك.. وأنا بسويلك ترتييب مع خيتوو ..

ويطييير حميد من الوناسهـ وعطاها الرقم .

وفي بيييت هنوي وبسووم ..

بسوووم : هنوي حبيبتي عندي لج مفاجأهـ ..

هنوي : وشو هي..؟

بسوم: يبت لج رقم حميييد

هنوي : حلفي انتي بس وكييف؟

بسوم: والله بس كييف ما بقول لج ..هع ..خذي الرقم هذا .. 050*********

هنوي : بس ما برمسهـ بتمصخر علييه شوي..

بسوم : اووكي..

وبعد دقااايق تتصل فيييه ..

ويرن فوون حميد ..

خالد .. اكييد هذي هنادي تتصل فييك .

حميد : الووو ..

هنادي: مرحبااا .

حميد : مرحبتييين .. منو وياي..؟

هنادي: امم هذا فوون منوو .. أنا بغيت .. سارهـ ..

حميد : يعني تبين سارهـ مب أنا ..

هنادي: هييه سارهـ ..

حميد: ههه أنا مب سارهـ بس إذا تبيين بتحولج مب بس سارهـ الا سيارهـ .. خخخ

هنادي: لا تتمصخر علي..

حميد : ما عااش وربي..

هنادي: انت ليش ترمسني وجنكـ ترمس وحدهـ تعرفهاا..

حميد: ليش في حد يرمس قلبهـ وما يعرفهـ ..

هني هنادي سكرت الفووون على ويهاا وهي مصدوومهـ وبنفس الوقت تحس بأحراج ..

يسلموووووو على مروركم الروووووعة

السلام عليكم…

في يوم الاثنين

الموافق 7-1-1986

الساعه 7:15 الفجر

المكان

مستشفى راشد في دبي

طلعت الممرضه من غرفة الولاده و شافت علي يالس على الكرسي

ويدعي ربه ان الولاده تتم على خير

يت الممرضه عداله

الممرضه : "..sir.. mabrook .. you got aboy .."

( مبروك ياك ولد)

علي من الفرحه شوي و بيطير من مكانه

اخيرا ربي رزقني بالولد

الحمد لله و الشكر

شاف علي ولده و استانس و فرح و سماه محمد

في الغرفه

علي : " الحمد لله على السلامه يا ام محمد"

ام محمد : "الله يسلمك .. اخيرا تحقق الحلم ويا محمد "

>

وتموا يرمسون عن احلامهم في المستقبل

محمد من يوم هو صغير

كان يجنن والممرضات متخبلات عليه

اليوم الثاني

الصبح الساعه 9

دخلت الممرضه تنظف الحجره

محمد كان في المنز عدال امه

والام شبه راقده

الياهل مثل ما كل اليهال وهم صغر

توه راضع و زاع

الممرضه يوم زاع

شلته و حطت بطنه على ايدها و قامت تضربه على ضهره

ام محمد فزت من النوم و فتنت عليها و شلت الولد

ما مرت دقيقتين الا محمد يزوع مره ثانيه

بس هالمره الزواع لونه وردي

مش طبيعي

زقرت ام محمد الدكتور و خبرته

شلو عنها محمد و راحوا

و عقب شوي ياها الدكتور و قاللها تطمني

بس قلب الام

ام محمد على طول اتصلت في علي وقالتله تعال المستشفى

علي كان رايح العين

لانه يداوم هناك

و كان على اساس ان ام حرمته بتسير تيلس عندها

قالتله ام محمد

الحين ترد

ما تسير

رجع علي باسرع ما يمكن

و حصلله رادار في الطريق صورة

من وصل المستشفى خبرته ام محمد بالسالفه

سار يدور الياهل

ما لقاه في الحضانه

طلب الدكتور و يوم يا قالله وين ولدي

الدكتور : " ابنك موقود ..كا تخفش.. مافيش اي حاجه "

بو محمد رد الحجره و يلس ويا حرمته يتريا اييبون الاهل

عقب شوي دخلت ممرضه تصيح

هالممرضه كانت الوحيده المسلمه في هالقسم

علي: " .. خير شو فيج ؟؟"

الممرضه : " بابا… مال انته بجا واجد تعبان… ممكن موت .. كلش دم يجي من هلج مال هو .."

ام محمد من سمعة هالرمسه اضلمت الدنيا في عينها

و يتعافدن الممرضات ينعشنها

بومحمد سار عند الدكتور و قبضه من رقبته

وقالله الحين ابا اشوف ولدي و لا تراني باجتلك

و عقب بو محمد عرف السالفه كلها

و الصدمه

محمد عنده نزيف داخلي— ثقب في الحجاب الحاجز للقلب

علي : " … دكتور .. ولدي بيموت وانتو مخبين علي.. شو ممكن نسويله الحين.."

الدكتور : " الصراحه ما اعرف شو اقوللك… نحنا ممكن نسويله عمليه نلحم فيها الحجاب الحاجز.. بس نسبة النجاخ فيها 3% "

علي :" لا حول ولا قوة الا بالله العلي العظيم .. حسبي الله و نعم الوكيل "

مرت الايام

و علي مب عارف شو يسوي

شهر مر و محمد عايش على الاجهزه

ابو علي قالله خلنا نسفره برع

بس المشكله ان حالته ما تسمح بالسفر

الدكتور طلب يقابل علي

علي :" دكتور طلبتني …"

الدكتور : " هي نعم … يا علي حالة ولدك صعبه و نسبة نجاح العمليه تكاد تكون معدومه …. شو رايك تتبرع بولدك لخدمة الانسانيه و نحن عندنا خبير الاماني يبا يجرب علاج جديد للقلب.. فشو رايك تتبرعلنا بولدك"

( على ذمتي ان كل كلمه من هالحوار صحيحه)

علي شو وكان بيقتل الدكتور

بس الدكاتره الباقين قبظوه

اليوم الثاني سائت حالت محمد

الساعه 2 في الليل اتصلوا المستشفى و قالوا ان النزيف اشتد و لازم تتسوى العمليه خلال 6 ساعات ولا الولد بيموت

بو محمد يالس على نار

اتصلبه ابوه و قالله لا تسوي العمليه

بنحجز طياره طبيه خاصه و بنطرشه برع يعالج

علي قاله لا

انا بستخير و بشوف

بو محمد استخار ربه و قرر يسوي العمليه

الساعه 6:15 الصبح محمد داخل غرفت العمليات

و امه يالسه عند الباب تصيح و تذكر ربها

الساعه 7 ….. ماشي خبر

الساعه 8 … ماشي خبر

الساعه 9 … طلع الدكتور و قال الحمد لله لحمنا الحجاب الحاجز و القلب بعده يدق بس باقي نسكر مكان العمليه

ام محمد الله سجدت لربها شكر في الممر و تمت تصيح

رجع الدكتور غرفت العمليات

الساعه 12:30 طلع و ويهه كله عرق

و نظراته حزينه

قال حق بومحمد : " للاسف اخ علي … من عقب ما سكرنا الجرح و قف القلب…"

بو محمد : " لاحول ولا قوة الا بالله .. اللهم اجرني في مصيبتي و اخلفلي خيرا منها..انا لله وانا اليه راجعون "

الدكتور تعجب من ردت فعل علي و توقع انه يصيح و يولول

ام محمد : " لا حول ولا قوة الا بالله.. بس لا … ولدي ما مات.. انا متأكده "

الدكتور : " انا اقوللج قلبه و قف تقوليلي ما مات "

ام محمد : " انت ما تعرف شي.. انا في داخلي شعور يقوللي و لدج حي .. و انا مؤمنه بربي و متأكده انه ما بيخذلني"

ما لحقت ام محمد تخلص كلامها الا النيرس طالعه تصارخ

"his heart is beating again… i cant believe it"

( ما اقدر اصدق … قلب الولد رجع يدق)

الدكتور ما عرف شو يقول

تم يطالع ام محمد اللي كانت متغطيه من راسها لين ريلها

و يقول في خاطره : " من وين لها كل هالقوه و الصبر"

( عقب بتعرفون كيف عرفت اللي في خاطره )

رجع الدكتور غرفة العمليات

و تم فيها 3 ساعات

قلب محمد يدق و عقب يرجه يوقف

عقب ما خلصت العمليه و استقر قلب محمد

نقلوه غرفة العنايه المركزه

الحين عمر محمد شهر و نص

بعد 3 ايام فتح محمد عينه

طبعا من عقب العمليه كان ممنوع حد يدخل عنده

حتى امه

يوم فتح محمد عينه فرحت امه

و بطلت شنطتها و ما خلت فيها شي

فلوس و ذهب

كل شي وزعته

و تمت تشكر ربها على ان ولدها فتح عينه من اول و يديد

بس الفرحه ما تكتمل

اليوم الثاني ياها الخبر

و الله محمد عنده تسمم بكتيري في الدم

بسب تلوث شي من المعدات اللي استخدمت في العمليه

بس تمت صامده

وكان محمد كل يوم يغيروله دم 3 مرات

ذبل و شحب

و امه صابره

بعد 3 اسابيع شفي من المرض

وبعد ما طلعوه من العنايه المركزه

ام محمد يالسه في الحجره تطالعه و تقرا عليه

و تطالع آثار العمليه اللي في بطنه

دخل الدكتور الماني

يلس الدكتور وقال حق ام محمد ممكن اكلمج في موضوع خارج شغلي

ام محمد تمت ساكته

قاللها : " انا ابا اعرف انتي شو اللي كان مثبتنج و مخلنج تصبرين كل هالمده "

ام محمد : " و هي ماسكه المصحف في ايدها .. ربي و هذا.. وانا كنت واثقه ان ربي ما بيخذلني و قرتله الآيه اللي تقول : "وقال ربكم ادعوني استجب لك " و قالتله ان اللي يتوكل على الله خلاص ما يهمه شي"

الدكتور ما علق و طلع من الحجره

اول ما وصل علي يا الدكتور وقالله ابا ارمسك في شي خصوصي شوي

علي طلع وياه الممر و قالله تفضل

الدكتور : " ممكن اعرف ليش حرمتك جيه متغطيه … حتى شو لونها ما يبين "

بو محمد : " انا بقوللك ليش … نحن عدنا الحرمه مثل الجوهره الثمينه .. لازم نغطيها و نحفضها من عيون الناس و تكون حق صاحبها و بس "

الدكتور : " والله ان هذا هو اكران الحرمه … بو عبدالله انا قررت شي .. و ابا اقوللك اياه"

بو محمد : "قول"

الدكتور : " أشهد ان لا اله الا الله و ان محمد رسول الله "

بو محمد : " الله اكبر .. الله اكبر"

و اسلم الدكتور من ورا قصة عبدالله و امه

هذه قصة حقيقيه

محمد الحين عمره 19 سنه

وهوطالب في جامعة الامارات

يدرس في كلية الاداره

بس هالقصه غير

الله اكبر

وان شاء الله يطلع عبدالله مثل اهله صابر مثلهم ومؤمن واتمنى له التوفيق

دمتم بود

كان له عمر يعيش,, سبحان الله ,,

شكرا اختي عالطرح ,,