1- تختارين وسيلة وتكتبين عليها معلومات عامة كل معلومة ماتتجاوز سطرين يعني مثلا عشر معلومات وتعلقينها عند مدخل الاداره( لوحة حائط ) او تكتبين هالمعلومات في ورقه وتوزعينهم على المعلمات يعني ورقتين كافي وتطلبين من المعلمات دراسة الورقه جيدا اختاري معلومات خفيفة وسهله ومفيدة وبعدهافي خلال 3 ايام كل يوم سئلي سؤال والمعلمة تكون دارسة الورقه وتطلع تجاوب وتاخذ جائزة.
2- تقدرين تسوين اي مسابقة لكن الفكرة هني راح تكون بنوع الجائزه…. انا اخترعت هالجائزة وخليت المديرة توافق عليها الصراحه خوووش جائزة والكل استانس عليها
الجائزة عباره عن ***********اذن خروج *********** لا تستغربون انا سويتها وخليت الناظره توقع عليها وهو عبارة عن كوبون
………………………………………….. ………………………………………….. …………………..
*********** مبروك ربحتي ***********
***********اذن خروج***********
تسمح الادارة المدرسية بخروج المعلمة………………………………….. اليوم …..
الموافق….. بعد نهاية الحصة السادسة.
توقيع مشرفة الإذاعة توقيع مديرة المدرسة
………………………………………….. ………………………………………….. ………………………
طبعا يشترط ان المعلمة مايكون عندها حصة اخيره وطبعا وبالتنسيق مع المديرة والمديرة المساعدة
وهي اللي تختار يوم واحد بس تطلع فيه اذا ماعندها الحصة الاخيرة
هذه طبعا خووووووووووووووش هديه وتكون مره بالاسبوع بس والصراحه ناظرتنا حبوبه وافقت على طول كنوع من التشجيع للمعلمات علشان يشاركون في الاذاعه المدرسية.
3- فكره حلوه وبسيطة تقدرين تسوينها بأي يوم تعرفين فيه ان الطلبه راح يغيبون وهالايام تكون قبل العيد تقريبا المهم ( تقدرين توزعين عصاير / تقدرين توزعين شوربة عدس علشان الشتاء على الابواب يعني صحون بلاستك وتوزعين على المدرسات وتكون باسم القسم) صدقوني مثل هالشغلات وايد لها تأثير حلو
احنا وزعنا تمر قبل رمضان باسم قسمنا وفي احد الاقسام قبل العيد ياب لنا باكستانيه تحط حنه بدينار وايد كانت الفكره حلوه حتى الناظره تحنت ل وووووووو ل
اهم شي تختارون الوقت المناسب
4-تقدرون عند مدخل الادارة تحطون رف وتترسونه كتب مفيده بأي مجال واختاروا كتب شكلها وحجمها صغير واكتبوا على الرف من فوق (( دعوة للقراءة)) وهالكتيبات حتى اولياء الامور يقدرون يطلعون عليها وحتى لوخذوها مافي مشكله مثل ماقلت لكم اختاروا مجموعة حجمها صغير وطبعا هالشي بيكون اهداء من قسمكم للاقسام الاخرى ولاولياءالامور
5-هدايا الاذاعه المدرسية تقدرون تشترون من سوق رامز عطورات تقليد على نص دينار وتعطونهم للمعلمات ترى يستانسون وايد
6- تحطون اعلان عند الادارة وتكتبون فيه *********** تصفحوا معنا*********** عالم النت***********
وتروحون غرفة الحاسوب مثلا في الحصة الخامسة او اي حصه تناسبكم ومثل ماقلت تختارون يوم مناسب وتعرضون اشياء مفيدة للمعلمات ابسط شي انا سويته اني رحت غرفة الحاسوب وطبعا عندهم جهاز داتا شو وشبكت على النت ودخلت موقع مدرستي وكانوا معاي تقريبا 11 معلمة عرفتهم على الموقع واستانسوا وفعلا سجلوا فيه ودخلنا وايد مواقع مفيدة كل هذا كان بحصه وحده والي احضروا طبعا ماكان عندهم حصص
7-تحطون اعلان ( طبق اليوم) وطبعا كل اعلان لازم تحته اسم القسم وتختارون حصه معينه وطبعا الطبق لازم يكون طبق ( حلو) مايبيله شغل وايد وجوله ل وووووو ل او سلطات مايبيلها حمس وقلاي او كلوب ساندويش يعني شغلات خفيفه
وتسوون وتاكلون وتستانسون ولاتنسون تعطون الناظره
وبانتظار رايكم ………………….
^-^ ^_^ ^-^
حلوة معانيج
اسم على مسمى
/glint] 
.gif "sez65"){kind=icon}
.gif "sez10"){kind=icon}
