التصنيف: الوسائل التعليمية

هذه وسيله للتعزيزه تستخدم للمجموعات عباره عن صوره حوض تغلف حرارايا

الفكرة الأولى

لوحة فلين ونرسم عليها صنبور ماء…
ونضع بالأسفل عدد من البالونات ويكون
لونها أزرق .. وفي داخل كل بالون سؤال ..
تقوم الطالبة وتضرب البالون بالدبوس وتقرأ السؤال وتجاوب ……
والطريقه هذي استخدمتها ايام التربيه العمليه في درس ترشيد استهلاك
الماي كتقويم مبدئي .

الفكره الثانيه

نحضر لوح فلين ونرسم عليه شجرة …

ثم نحضر .( الجك جك ) عرفتوووووه ..نحضر أما
مجسم لطير او نرسم طير على لوحة ونقصه ..
نلصق على الطيور أحد الوجوه ..
وعلى الفلين الوجه الأخر .. وتكون على الطرفين ومتساوية المسافة بينهما وأعدادهم
متساوية كذالك ..
ثم نقسم الفصل إلى مجموعتين الأولى لها الطير الأول والثانية لها الطير الثاني ..
وعند كل إجابة ننقل الطير من نقطة إلى أخرى…
والفريق الفائز هو من يصل طيره إلى العش أولاً.
والطريقه هذي ايضا استخدمتها ايام الميداني
واخذت صور طير وعش والشجره من الانترنت ولزقت عليهم
الجك جك واستخدمتها كتقويم نهائي
يعني كانت بسيطه مو مكلفه وتفي بالغرض والبنات وايد استانسو عليها

الفكره الثالثه

فقرة المعلم الصغير وكنت استخدمها بعد نهاية
الدرس تقوم وحده من الطالبات بشرح الدرس وممكن
اخليها تستخدم وسائلي ……. والبنات كانوا وايد يحبون
الفقره هذي وبعضهم يبون وسائلهم معاهم ( طبعا ما كنت
اطلب هالشي منهم ) والفقره كانت تونس لانهم يحبون
يقلدون طريقتي في الشرح
(والطريقه هذي وايد حلوه لان انا تخصصي علوم الاسره والمستهلك يعني
الدرس اشرحه في حصتين )

الفكره الرابعه

لعبة ساعي البريد:

تخرج المعلمة أحدى الطالبات وتحمل في يدها حقيبة صغيرة
وتنادي…أنا ساعيالبريد..جئت اليكم من بعيد…أحمل رسائل
من كافة دول العالم.
..ثم يقوم بتوزيع بطاقات على مجموعات الصف.(.وتكون البطاقات اما
مفردات جديدة في الدرس والمطلوب توظيفها في جمل مفيدة ..أو كلمات
والمطلوب معرفة نوعها…وللمعلمة حرية الاختيار ..المهم فكرة اللعبة
طبعا انا كنت استخدمها في اسئلة ثانيه تناسب تخصصي