الوسم: الثانوي

هلأ رح احكي بالعاميه عشان ما أشخبط بالكلام وأبلة عائشه حموده و أبله شيخه المسافري يعلقو علي
مش عارفه أنا محتاجه احكي عشان تعرفو أديه أنا بحبكو ,,, بس بعرف اني محتاجه احكي عشان أخفف الشوئ اللي بئلبي ..
بعدو جزء مني طالبة مدرسة مش راضي يكبر ومش راضي يقتنع إني خلص صرت "صبيه" وصرت بالجامعه ,, و إني خلص تركت أبلاتي ,, وإني خلص يمكن ما أرجع أشوفكو مرة تانيه..
محتاجه احكي انو ئلبي مئسم لمليون ئطعه ,, وانو انكسر لما بعدت عنكو
بعدني طفله حابه تتدلع على معلماتها ,,,
تضحك وتلعب معهم ,,,تسير مجنونه
وهلأ ,,,
بجامعتي ,,
كل اشي بحدودو
حابه أرجع ع مدرستي ,, عند أبلاتي عشان تخلوني ألعب ع كيفي عشان بعرف انكو ما رح تحكولي اشي
حلسه وكإنو الوئت بسرئ مني عفويتي وروحي وعمري..
و ع الأقل لو كبرت معكو ،،
رح أكبر وانا عارفه انو الللي حواليي بحبوني وخايفين علي
حدا بحبني ,,, مهتم فيي وبشو بصير معي
بعدني مصدومه كيف بحفل تخرجنا ما ئدرت احكي ولا كلمه مفهومه لما طلعت ع المسرح ,,, كيف إني ما ئدرت أعبر عن حبي إلكو وتعلقي فيكو غير بدموع … وكييف إني روحت ع البيت من غير ما أسلم على معلماتي,, وكيف سافرت فجأه
أنا ما كنت مستوعبه أي اشي أول اشي انه رح تكون يمكن آخر مرة بشوفكو فيها
بس هلأ آعده بستوعب ,,, و مصدومه ,, مصدومه كتيــــــــــر
وحتى دموعي ما رح ترجعني لعالم خاص فيي ,,, بمدرستي ,,, مع أبلاتي ،،
عالم ولا أروع منو
عالم ولا أطهر منو

أبله [ مريم خلفان ,عائشه حموده,شيخة المسافري, صبيحه دلموك ,فاطمه دلموك ، غبيشه , زهريه،غميله، مريم سلطان، بشرى، فاطمة حمدان، غايه،سمر ، عوشه، المديرة،صبيحه، أمينه، عزة، أبله صبيحه الكمبتوتر ، فاطمه محمد، عزيزة،]
وكل كل الأبلات,, بعرف اني نسيت اسماء بس لأنو صاحبيتي هيام عندي والمحاضرة بعد ربع ساعه ويا دوب ألحئها <<< وهي بتسلم عليكو كمان

بالآخر أنا عنجد بحبكو،،
بحبكو في الله
ما كنتو بس معلمات ,, كنتو صديقات واخوات
كنت ضميرنا الحي اللي بيمشي عى الأرض ,,
كيف كنتو النور اللي بنور دروبنا
و ع أد ما بعدنا عن الطريئ الصح ,, بترجوعنا بكلمه منكو
لأنو قلوبكو صادقه