الوسم: القلب

بارك الله فيك

مشكور وايد
شكراااااااااااااااااااا

عندي قصيدة :
فز يامكوب في طياتك احروف ابجديه
واهبط ارض الدوله اللي زايد اهداهاحياته
ان وصلت الصبح صابحهم واذا جيت العشيه
عز قادتها وعز الدار واهله وامهاته
المصاب اكبر جلل والفاجعه والله قويه
زلزلتنا ليت ماعشناولم نشهد وفاته
الزعيم اللي حشامامر حاكم شعب زيه
الكرم والطيب واخلاصه لشعبه من صفاته
الزعيم اللي رقى بالسبع للسبع العليه
اجبر العالم على استفتاه حتى في مماته
كيف يازايد تجاوزت الحدود العالميه
كيف حولت الصحاري دوح يتمايل نباته
كيف وحدت القلوب وصرت معشوق البريه
كيف احبتك الشعوب العالميه باستماته
حب ماله مثل من ربي خلقهاجرهديه
كن كل الناس فوق ارض الله ابناه افلذاته
حير املوك العرب والغرب في حب الرعيه
كيف يستيسر قلوب العالم اجمع من ولاته
ودهم بس يعرفون السر في هالجاذبية
امنيتهم وش يسوي كان ويسووا سواته
لكن الشيخ انتقل دار الحياه البرزخيه
ياخساره مات والسرمات من لحظة مماته
صايمابافضل شهور العام وافته المنيه
امنيته اللي تعدمن اولويات امنياته
مات زايد ياولاة العرش موته عايديه
فارق الدنيا بلا تأبين وبلا حفل اماته
فارق الدنيا كماجاها بلا ذنب وخطيه
حبه الله واكرمه واغدق عليه من احسناته
ياولاة العرش بخبركم بالاسرار الخفيه
خلف حب الشعب والعالم لزايدفي حياته
الرئاسه ماوصلهاباعتباط وعنجهيه
قادهابالحب والحكمه على مر اسنواته
وامن احدوده وعاش الشعب في عيشه هنيه
وكنوزالدار مااستاثر بها في خزنواته
يتخذ دايم قراراته بحكمه وبرويه
وامرهم شورى وهذا ديدنه في منجزاته
وامنيات الشعب عندالشيخ تحتل اولويه
كل همه شعبه ان يحصل على متطلباته
وان حكيناعن مشاريعه وجزلات العطيه
وش نقل عن شيخ كل العالم اغنتهم هباته
عن سحب جوده وشلالات كفيه السخيه
عن سياسة بابه المفتوح عن عذب اكلماته
عن تفقد زايدالخيرات لاحوال الرعيه
كل يوم وليل في تجوال مايهنا مباته
عن جهوده لين حول دولته دوله غنيه
بعد جاهد في كفاح الفقر حتى اعلن شتاته
عن جهوده في قضايا الأمه الشرق اوسطيه
عن مدى حبه لفعل الخير وعن امساعداته
عن مدارس في فجاج الأرض ضواها بضيه
عن مساجد عامره باسمه وعن مستشفياته
هذي اسرار الحب الجارف لمعشوق البريه
استفيدوا ياملوك الدايره من معجزاته
الحقيقه عندمااتحدث عنه يصعب عليه
بل وسابع مستحيل اذكر جميع مواصفاته
لو كتبت ولو كتب غيري قصايد عاصميه
مابلغنا خيره الدفاق ولاّمكرماته
ماكتبت الا شهادة عصراقدمهاهديه
ارث للتاريخ تبقى واحده من ذكرياته
يشهدالتاريخ واشهد وابصم اعليها ابيديه
ماخلق زايد كما زايد بطيبه وبسماته
واقدراجزم واحلف ان الحور ماينجبن زيه
واحلف انه مايجي حاكم بطيبه وبغلاته
الله اختصه لحاجات العباد الدنيويه
ماطرق طلاب حاجه بابه الا خذ مناته
راعي الفزعات سيف الحق محمود السجيه
من نصا ولاانتخا باسمه زبن به من عداته
هو توفى لكن اعماله والانجازات حيه
لا قلم لا حبر لا قرطاس يحصي منجزاته
في وداعه هلّت اعيون اعربيه واجنبيه
كله العالم بكاه انسه وجن وكايناته
لو جرى دمع ا لعيون اللي بكت زايد سويه
كان كوّن سيل يضرب به مثل في مجرياته
مجلسه يبكيه والديوان يبكي والتكيه
والعلم والمسجد الأقصى وسجادة صلاته
يادبي يابو ظبي ياشارقتنا القاسميه
يالفجيره يارباعجمان يادوحة فلاته
ياقلاع ام القوين وراس خيمتنا الأبيه
عظم الله اجركم ياسبع زايد يا بناته
تلك برقية عزا شاعر سعوديّ الهويه
حب زايد عنده اغلا حب من حبه لذاته
والختام اهديكم التقدير واهديكم تحيه
والسلام على الجميع ورحمة الله وبركاته