مرحبا …….. تصدقون الدوام يخلص عندنا الساعة وحدة و أنا رجعت للبيت الساعه ثلاث الا ربع بسبة طالب أبوه تأخر عليه مايصير والله حرام 24 حصة وتدريس الضعاف في حصص إضافيه ودايم يكون عندي حصة سابعة ودوم يقولون متأخرة عن المناوبة انزين شلو عن الحصة السابعة ومب متأخرة بس منو نكلم وبعد نوقف عند الباب ونطلع مرات برع للشارع ومش حلو شكلنا ونحن متنقبات ووقفات عند الباب والحارس يالس عند غرفته أتمنى يخلون حارس يوقف برع ويدخل الأولاد وندخل الطلاب اللي واقفين برع وللأسف ساعات وايد نسمع من أولياء الأمور كلام بس الله يسامحهم أتمنى يشلون المناوبة عن اللي عندهم 24 حصة
الله يعينج اختي الغالية …. مأجورة يا الغالية
المشكلة أختي الغالية هذه الأمور إدارية والمديرة هي الوحيدة التي تبث فيها …
الله يصبرج
والفسحه راحه للمعلمات اونوقف وناوب كل زمن الفسحه واخر الدوام بع
اقتر ان المناوبه تكون للادارة فقط لانهم يبذلون مجهود اقل منا
حتى الكيبورد مايكتب بشكل صحيح
كان الله في عونج
المناوبة معاناة..ونحن نصابنا 24!!!
أنا في رمضان ناوبت وكان باص متأخر..ويلست أتريا..ويوم قرّب الباص يوصل..طلعت بنت من صف أول ساير عنها الباص وما تعرف وين بيتهم..ولا رقم البيت..وقمت ودوّرت في الملفات..ويا الله يا الله لين طلعت الرقم..
واتصل على أبوها..وما يرد..3 مرات أدق وما يرد..وعقب اتصلت على البيت ..وترد البشاكارة..وما أعرفها شو تقول..ورديت اتصلت مرة ثانية..وعطوني اليدّه..وخبرتها..وطرشت عم البنت ياخذها .. ورجعت البيت وأنا ميتة من التعب الساعة 3 الظهر..والدوام يخلّص 1..وروحي أصلا كنت مريضة..فيني بلاعيم وحمى..!!
كان الله في عوننا..!!
السلام عليكم انا عضو جديدة معكم كمان عندي معاناه بموضوع المناوبه بكفينا الدوام طويل ونصاب مرتفع كمان شغلة المناوبه هدا الموضوع لازملو موظف خاص فيه في لبلاد التانية بيعنو واحد شغلتو الخاصه مراقبة ساحه المدرسة طول اليوم والمناوبه مو نحن بنشتغل الف شغله كمان تسكير بواب المدرسة علينا عنا بمدرستنا كل مدرسة اتسكر باب الصف الي كانت فيه اخر حصه ولا لنصيبه الكبرى تدخل الشغاله تنظف الصف وتكنسه والمعلمه تشرح عنجد بطل في تقدير ولا احترام للمعلمين
السلام عليكم …
الله يعين… اليوم كانت مناوبتي مع أني قد انهيت الدوام بعد الحصة السابعة(الواحدة والثلث) وليس لدي حصة ثامنة ولكن بسبب المناوبة مكثت في المدرسة … وظللت واقفة ساعة كاملة(حتى الساعة الثالثة) 
انتظر من أجل طالبة واحدة فقط … والمشكلة مدرستنا في منطقة سكنية .. والشباب ذهابا وأيابا أمام باب المدرسة لا حيلة لي ماذا أفعل ؟؟ 
… ما ذنبنا إذا كان الأهل لا يبالون ولا يسألون عن بناتهم
…
وهذا حالي انا بعد والله تعبانه من الحصه 5وانا ماقفه على ريولي الى الحصه 7 وبعد المناوبه ساعه نوقف فيها على ريولنا
صدقتي يالغالية
المناوبه لو يخلونها للاداريات والي نصابهم اقل من 12 حصه …
