انا ما اعرف هل هذا مكان صح لطرح الموضوع ولا لأ .
وأسفه اذا كان غلط .
بس أبغي أرمس أبغي أفضفض .
أنا أشتغل في مدرسه وتابعه لمجلس أبوظبي للتعليم وعلي ديوووووووووووووووووون وايد والمشكله يعني متسلفه عن ناس وجذي بسبب ظروف عائلية عندنا المهم ومشتركه في جمعيه قيمتها وايد 10000 وتذكرت انه ماعندي فلوس لدفع الجمعيه لشهر تسعه وراتب شهر تسعه ماراح ينزل ولا شهر عشره هذا اللي سمعته من وين أدبر والله كرهت حياتي ماعرف شو اسوي . ممكن يصبرون علي أصحاب الجمعيه شهر بس مش شهرين وأنا التصفيه اللي نزلت لي سرت اثثت شقتي والله أكثر بيزات التصفيه راحت على التكاسي وخلصت البيزات الحين ماعندي بيززات لمصروف لما أداووم وماعندي بيزات حق الجمعيه . شو أسوي ؟؟؟؟؟؟؟؟
أمي تسلفت 15 ألف حق بيمه السياره لاني ظهرت سياره من وكاله عن طريق المصرف (تمويل ) والمشكله هذه البيزات حقي وحق اختي لانه اختي بعد ظهرت ..
والله بتخبل بتينن .
الحين موضوعي هو الصراحه أنا أبغي أعرف اذا اشتغلت شغلتين مسموح ولا غير مسموح انا سمعت انه ممنوع يمكن يفنشوني المجلس هل هذا صح ؟؟ افيدوني الله يخليكم
ونفترض مثلا مسموح وحصلت وظيفه مسائيه هل الدوامات المسائيه تبدأ ساعه 5 مساءا ؟؟ لانه انا اخلص دوامي 3ونص وقلت خلال ساعه بصلي العصر وبتغدى وعقب بتوكل دوامي الثاني ….
وعندي شيء ثاني شو الاماكن اللي يطلبون دوامات مسائية ؟؟؟
أنا مضايجه واااااااااااااااااااايد أتمنى تفيدوني .
.
.
.
اختي في البداية ولكي يكون موضوعك واضح ، اذكري كم راتبك بالضبط والالتزامات الشهرية المطلوبة منك حتى نعرف الطريقة الامثل لضبط ميزانيتك ومصروفاتك .
ثانيا : لحد الآن الكلام عن تأخر الرواتب عن تاريخ 1 / 10 غير مؤكده وبالتالي احتمال كبير ينزل الراتب بهذا التاريخ وبتدفعين الجمعية مع انك لم تذكري مبلغ قسط الجمعية ، هل هو عشرة آلاف ام قيمة الجميعة كلها 10 آلاف .
ما شاء الله الدولة ما تقصر رواتبنا عالية والحمد الله خاصة مجلس ابوظبي
ولكن نحن ما نعرف ندير أموالنا صح ، وأنصحك أنك تعيشي على قد راتبك يعني ما لازم أصرف فوق حاجتي
إذا ما عندي ما أتسلف من أحد ، لأن الديون وايد صعبة ، وأنصحج من هذي السنة تعيدي حسابتج
حتى تعيشين وأنت مرتاحة
أنا راتبي عشرين ألف أشتغل إخصاية اجتماعيه في مدرسه … الجمعيه اللي مشتركه فيها ب عشرة ألاف درهم يعني شهريا أدفع …. وعندي أقساط سياره راح أدفعها شهر 11 وقيمه القسط 2753 ،وشغالتي على وصول بعد اسبوعين تقريبا لما بتيي لازم أوديها الطب الوقائي وهذا كله يكلف فلوس ،،،
وامنى الصراحه ينزل الراتب بداية شهر عشره …
بقولكم شو سويت تسلفت عن وحده من الاهل عشرين ألف قلت بدفع اول شيء فلوس الجمعيه وبخصص مبلغ حق الشغاله حق امور الطب الوقائي ،، وبحط مبلغ حق بترول السياره ومصروف للأكل والشرب ..
——————–
المشكله يا اخوان الاهل يعتقدون أنا ألعب براتبي عشان جي شركوني في جمعيه كبيره بس الله يشهد اني مقصره على نفسي وايد وبيزاتي تروح على علاج وتكاسي واغراض للمدرسه هدايا واسوي معارض ….الخ بس مااقول حق اهلي اذا قلت لهم بيفكرون وبيقولون اجلسي في البيت لا تداومين وانا ماصدقت اشتغل الدواام هلكني وااااايد …
اختي اولا الحمدلله انتي احسن عن غيرج
امورج متيسره لحد ما
الحين ممكن توضحين شو المطلوب باختصار ..
اللي فهمته انج تبين تداومين دوام ثاني طبعا لازم اولا تعلمين منطقتج التعليميه بالانج راح تشتغلين عسب يكون ماعليج شي
ثانيا وين تبين تشتغلين ؟؟ شو مؤهلاتج؟
يعني هذا الشهر راح نستلم راتب عن الايام من 13-9- الى اخر الشهر
ثاني شي اي جمعية تؤسس من البداية يتم معرفة الادوار ومتى فلان يستلم
ناس تحب تستلم في البداية ( اللي عنده ظروف ) وناس تحب في الاخير ( المقتصدين )
هذا الموقع مفيد للتنظيم المالي للاسرة
http://masrof.wordpress.com/
الله يعين الجميع .
إسمحيلي إختي المفروووض ماكنتي تشتركين في الجمعيه لأن الجمعيه ماينوثق فيها
انا كمن مره صيرلي بس الحمدالله مب ديون
إذا كان عندي ديون بروووح وطي
المهم اختي اتمنى انج مره ثانيه ماتشتركين في أي جمعيه
ونصيحه من أخت لأختها اكثري من الإستغفار
مع تحيات:
كعبيه وكلي فخر
