أبي فزعتكم يامعلمات رياض الأطفال والجميع

السلام عليكم ورحمة الله
عندي زياره لمدرسة طفلي في مرحلة التمهيدي وعندهم الآن (وحدة الماء) ومن متطلبات الزياره أو مايسمى عندنا في السعوديه (الأم الزائره) مشاركة الاطفال بأي نشاط قصه ,عمل ,لعبه, نشيد ويفضل أنه يتعلق بنفس الوحده اللي بتكون الزياره فيها ……..أنا محتاره محتاره جدا جدا ما أدري وش أسوي معهم هذه اول تجربه لي ياليت تعطوني أفكار أسويها معهم علمن أن عددهم فوق العشرين ومدة الزياره تقريبا ساعه الي ساعه ونصف بالكثير وأنا أفضل عمل او لعبه لاني زي ماسمعت من الامهات اللي قبلي أن الاطفال يتململون من القصه مقارنة بالاعمال واللعبه.وياليت تكون التجهيز والمتطلبات غير مكلفه..
الله يوفقكم مابقى الا كم يوم ودي أبدا اجهز من اليوم..
العزيزه الاستبرق عندما قرأت موضوعك اسفت لانه محد رد عليك ونحن هذا الاسبوع وحدتنا عن الماء وعندي كم فكره اتمنى ان اساعدك فيها وما اكون تأخرت عليك

– اذا كان عندكم من موضوعات الوحده اللون الازرق تقدرين تستخدمين عبوات الماء وذلك بالطريقه التاليه:
– تحتاجين ورق الكوراشيه الازرق وشبكه ذات مسامات صغيره او اي شبكه المهم تنفع في حفظ الكوريشن من التفتفت في الماء
-ثانيا لفي قطعة من الكوريشن في الشبكة بحيث يكون حجمها مناسب لوضعه والصاقه في غطاء عبوة الماء الصغيره وعندما تغطين العبوة لا ترى .
– املئي العبوت بالماء للمنتصف ثم غطيه بالغطاء الذي داخله كوريشن ازرق .
– كل طفل يأخذعبوة فيها ماء وعندما تعدين للثلاثه كل طفل يرج العبوة فيندمج لون الكوريشن مع الماء ويصبح لونه ازرق
-اذا كنتي في حالة تمييز لللون من بين الالوان عليك بوضع اللوان مختلفة في الغطاء ومن يصبح الماء لديه ازرق يرفع العبوة

شكرا أختي على سرعة الرد لكن شفت في فكرتك صعوبة التنفيذ لاني ماعندي وقت ماتصدقين مشغوله مره مره أذا ماكان عليك كلافه تعطيني الأفكار سواء العاب أو أعمال وأختار اللي يناسبني والله يوفقك دنيا وآخره أختي..
للرفع أخواتي الفزعه الفزعه..
معلمات رياض الاطفال لو لقيت جهاز الفقاقيع ممكن أستفيد منه والا لا؟؟
يا اختي العزيزه اريد اعرف شو الموضوعات الي تعطونها الاطفال في وحدة الماء
جهاز الفقاقيع يمكن يسوي لك فوضى في الصف تقدرين في وقت اللعب الحر او الفسحه
على فكره ترى حركة عبوات الماء ما تحتاج الا عبوات فارغه وكريشن يلصق في الغطاء فقط وهي سهله
تقدرين بعد جمع عدد تسع او ست عبوات ولصقها ببعض وتفتحين الغطاء وتلصقين عليه كلمه او رقم او لون والطفل يختار الغطاء الي تحددينه ويقوم بتغطية العبوات

اذا عندكم موضوع صفات الماء (شفاف لا لون ولا طعم ولا رائحه له ) تحضرين كؤس فيها ماء وتضعين في بعضها كثير من الملح وبعضها فلفل وبعضها تخلطين شوي نعناع لتخرج منه رائحه …. يعني شي تغيرين طعمه وشي تغيرين لونه وبعضها رائحته وبعضه تخلينه ماء عادي ثم تطلبين من كل طفل شرب الماء ثم تسألين احد الاطفال لماذا لم تشرب ويرد بالسبب فتوضحين عدم شربه ان الماء مثلا ليس له رائح وهكذا…

اذا موضوع ديني ( وجعلنا من الماء كل شيء حي) اطلب من الاطفال زراعة شتله من الشجر ولا تدعيهم يسقونها واليوم التالي اعرضيها عليهم وناقشي سبب موتها معهم

مشكورررررررررره أختي بس حبيت أوضح لك نقطه يمكن ما أنتبهتي لها انا مو معلمة رياض أطفال انا أم بزور مدرسة طفلي لمدة ساعه خلال هالساعه بتعرف على الاطفال اللي في الفصل ثم أقوم بنشاط (قصه أو عمل او لعبه أونشيد_______وأنا افضل لعبه اوعمل) ثم غالبا نتناول كيكه أو أي أكل أحضره ثم يقوم طفلي بتوزيع الهداي عليهم ثم أودع الطفال ________________كل هذا في ساعه وبالكثير ساعه ونصف أن شاء الله أتضحت لك الصوره عشان كذا ابي شئ بسيط..
وينكم يأخوات أدخل الموضوع أكثر من مره في اليوم لعلي القى رد..
اسمحيلي لسوء الفهم … لا تلوميني التدريس ماخذ عقلي …
– تقدرين تلعبيم معهم لعبة بالونات الماء الصغيره وتصنعين لهم هدف ويرمون فيه والاحسن تكون خارج الصف.
– جهاز الفقاعات فكره حلوه لادخال السرور على نفوس الاطفال.
– تقدرين تصنعين قوارب وبالتعاون مع المعلمه توفر لك حوض ماء او اناء كبير ويلعب الاطفال فيه.
– في حكاية القرد الذي وجد قطعة سكر وكان سعيدا بها فأراد ان يأكلها ولاكنها كانت تعلق فيها بعض الرمال فذهب لغسلها في ماء النهر ولكنها اختفت عندما اخرج يده من الماء فهي ذابت
اذا تريدين نشيده عندك نشيد (قطرة ماء ذات مساء طارت…..) إلي ينشدها الاطفال في سبيستون.
وانشاء الله اكون نفعتك ولو شوي
الله يجزاك خير فكرة البالونات الصغيره دخلت مزاجي أحس فيها ترفيه وخاصة أن زيارتي بتكون أخر يوم في الوحده..
قولي آآآآآآآآآآآآمين الله يغفر لك أختي ولوالديك ويفتحلك أبواب رحمته أنه سميع مجيب..
بسم الله الرحمن الرحيم

السلام عليكم ورحمة الله وبركاته

أفكار أختي " همتي مثل الرجال "

رائعه جزاك الله كل خير

وهي تنفع للمعلمة والأم الزائره

وبارك الله فيكم

مشكوووووووره يا عزيزتي على الدعاء الجميل
ونحن في الخدمه دائما

اترك تعليقًا

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.