عزيزاتي.. بادلونا بأفكاركم الحلوة عشان نرتقي بمكتباتنا أكثر وأكثر يعني في ما شاء الله خوات لهم فعاليات حلوة وأفكار روعة..يعني ياليت تخبرونا عن بعض الفعاليات ممكن ننفذها خلال اليوم الدراسي غير الاذاعة والنشرات.. شي يخلي البنات يترددون أكثر عالمكتبة.. وخلال الفسحة هل لكم بعض الفعاليات خارج المكتبة؟ وشو أنواع المسابقات يعني أي شي المهم نتبادل الأفكاار..فمنكم نستفيد..
إممم.. شكل اللي دخل وشاهد الموضوع مثلي ما عندهم أفكار ويدورون.. أنا واايد أحب شغلتي وأحب أشوف البنات يقرن ويبحثن.. عندي مجموعة قصص (سلسلة حكايات مدرسية ضاحكة )مركوونه عالرف محد يقراها فقلت أقراها فيوم قريتها وايد حبيتها وقررت اسوي مسابقة فكل قصة أقراها أحط عليها اسئلة من القصة و أسئلة خارجية بسيطة تناسب المرحلة اللي عندي وكان عندي حصة احتياط صف رابع وزعت عليهم القصص ويلسو يقولون معلمة واايد طويلة..قلت اقروها وبعطيكم أسئله وايد سهلة.. والحمدلله حبو الاسئلة وكلهم شاركو في المسابقة وقامو يتبادلون القصص بينهم.. هم 12 قصة بس أنا اخترت ثمان قصص منها اللي شفتها سهلة وممكن يستوعبونها.. وعطيتهم اسبوع بس لفترة المسابقة واليوم كرمت اللي قرأن 10 قصص دينية وبعد كان عليها أسئلة..
السلام عليكم دخلت بصديقات المكتبةومن ترغب بعد الاعلان عن جائزة الشيخ محمد بن خالد وهو مركز ديني ثقافي تمتد فترة المسابقة ثلاث سنوات والمجال مفتوح في أي وقت للمشاركة المطلوب من الطالبة بعد ما يعطوهم دفتر للتلخيص ( شكلة حلو ) تلخيص 100 قصة بأي حجم وبعدكل 100 قصة هدية وجوهرة حتى تصل الطالبة الى 1000 قصة وتحصل على تاج المعرفة تسلمها الشيخة شمة بنت محمد بن خالد في حفل ختامي لكل مجموعة انتهت وتحصل معه على صندوق كبير فية هدايا .
الله يوفقكم…
