مساعدة في المنهج المطور

السلام عليكم معلمات ….
اول شي اشكركم على الموقع الأكثر من رائع الصراحة … موقع مفيد بمعنى الكلمة ..
و جهود تشكرون عليها…

حبيباتي … مدرستنا بدت التطوير الفصل الدراسي هذا … و مافيها و لا شي تخيلوا
قاعدين نأسس مدرسة من البداية … و ضغط رهيب …
يا ليت تساعدوني في الوحدات الياية و اكون لكم شاكرة …
الوحدات هي: النباتات – الماء – الصحراء – الكتاب – المواصلات – مع السلامة …

ماعندي خبرة كافية في التصنيع و القصص و الألعاب لأني جديدة على التدريس بشكل عام …

و ان شاء الله اتعلم على ايدكم و تشوفون مني في الأيام القادمة كل اللي يسركم …

و لكم كل الشكر….

حياج الله اختي

مبرووك عليكم المنهج المطور ..

وان شاء الله الامور كلها تكون سهله عليكم ..

واحنا في خدمتج بكل اللي تحتاجين له

خبريني الاسبوع الياي اي وحده بطبقون عسب نفيدج اكثر

خلينا نركز على وحده معينه ولما ننتهي منها نبدأ بالثانيه

وبالتوفيق

عزيزتي ام غلا انا على المنهج القديم ولكن اذا حابه اساعدج في شي معين انا حاضره

مشكووورة اختي على المبادرة الطيبة … الوحدة الياية بتكون النباتات…
و صدق لو نمشي وحدة وحدة بيكون احسن على الأقل لين ما توقف المدرسة على ريولها
و الله ما نعرف شو انسوي … نحضر حلقات و إلا قصص و إلا ألعاب مافي شي

اختي فمان الله مشكووورة على المرور … و صراحة انا شفتلج كم من موضوع و اعتقدت انج
على المنهج المطور …. شغلج ما شاء الله ما عليه كلام ….
يعني اختي ممكن انشطة تخطيط …لأن عندي اطفال مسكة القلم ما يعرفوونلها و لا
يعرفون الأرقام و الحروف… اريد اركز على الأرقام و الحروف…
صراحة انا حطيتلهم انشطة بس ما احس انهم يستمتعون واااايد في التخطيط
يعني الواحد بس يبا يكتب اللي اقوله عنه و يقووووم فأريد اخلي الركن مسلي و تعليمي
في نفس الوقت….
نفس الشي بالنسبة لركن البحث و الاكتشاف …ما عندي إلا كم من تجربة ….
يا ليت لو في موقع اقدر آخذ منه تجارب ….

و كل الشكر لكم ..

هلا ام غلا

والله حابين نساعدج بس نحن مب عارفين شو اللي يدرس في المطور
يعني لو تحطين لنا اسماء الدورس وشو المطلوب في كل درس او شو
الكلمة ان شاء الله بنحاول نصمم لج ونعطيج المفيد

اختج وعد الروح

هلا اختي ..

اسمحيلي على التاخير

نبدأ بالاركان

ركن المكعبات : تضعين مكعبات مختلفة ومجموعة من الأشجار

ركن التمثيل : تحويل الركن إلى حديقة ..مثلا تضعين الترتان الأخضر على الأرض وتوزعين بعض النباتات الصناعية والطبيعية وتضعين مثلا كراسي الحديقة وادوات الحديقة ..وسأضع لك صور لركن التمثيل قمت بعمله العام الماضي ..

ركن التعبير الفني : توجد انشطه مختلفة في المنهج ومتنوعه يمكنني شرح لك اي نشاط يصعب عليك تنفيذه ..

ركن البحث والاكتشاف : يمكنك وضع أوراق لنباتات مختلفة ، بذور ، سيقان وأغضان ، العدسة المكبرة ، سعف النخيل ..

ركن المطالعة : كتب وقصص متنوعه عن النباتات وبطاقات مصوره مختلفه ..

ركن الألعاب الإدراكية : تسلسل نمو النبات ، تسلسل حجم التفاحه ، تجميع أدوات المزارع ، تطبيق البذور بالفاكهه ، تطابق الزهور بظلها ، لظم شكل ورقة الشجر

ركن التخطيط : الانشطه الموجوده في نهاية كل حلقة في المنهج ..

هذه تقريبا انشطة الاركان ..اذا احتجتي اي مساعده ثانيه انا في الخدمة ..

طبعا لا تعتمدين الانشطه السابقه لكنها مثال ..

وبالتوفيق ..

اختي بخصوص ركن التخطيط فمن الأفضل ادراج موضوع خاص به وكيفية التدرج فيه

خليني ارتب الموضوع وانزله لكم ان شاء الله

هدي زمزم .. بارك الله فيج اختي

اختي وعد الروح مشكووورة حبيبتي على المبادرة الطيبة ….

الأخت و المشرفة هدى زمزم … اعجبني الركن جذاب و مرتب …
و الأنشطة اللي وضعتيها كلها هادفة و بسيطة في نفس الوقت….

لك كل الشكر ,,,,

بنات اسمحولي ثقلت عليكم … بعد يومين عندي حلقة الساق …
عندي التهيئة بس ماعرف شو اسوي نشاط للحلقة؟؟؟؟

يعني ما ينفع تصنيف و لا لقيت اي نشاط ثاني ؟؟؟ يا ليت تدلوني…

اختي ممكن تظهرين صور متنوعه للاشجار وتقصين منهم الساق

ومن ثم توزعين صور الساق على الأطفال وكل طفل يطابق الساق بالشجرة

او يمكنك أخذهم في جوله بين الاشجار والمقارنه بين ساق الأشجار

اختي هدى زمزم فكرتج الخير عجبتني و طبقتها مع الأطفال و كانت ممتعة و مسلية تسلمين …

اتمنى ما اكون ثقلت عليكم …
بس عندي تقديم حرف الاسبوع الياي … شو ممكن اسوي نشاط للحلقة…
يعني النشاط المعتاد …
اوزع اظرف للأطفال في كل ظرف بطاقات لصور او كلمات متنوعة + الحرف اللي قدمته …
يكون في الظرف بطاقتين او 3 …
و كل طفل يطلع البطاقة اللي فيها الحرف المطلوب …

بس نشاط خلاص ممل… انا مليت منه … في غيره في ابداع اكثر.؟؟؟؟

السلام عليكم ورحمة الله وبركاته ,,اخواتي الكرام أنا صح هب معلمة رياض أطفال بس عندي بنت فأول روضة .. أنا عندي فكرة لتقديم الحرف اليديد ..
هاتي صندوق و لصقي عليه كل الحروف ( فيه حروف مصنوعه من البلاستك يعني بارزة وايد حلوة ) ممكن تستخدمينها ..
وحطي في الصندوق أشياء تحتوي على الحرف اللي تبينه ( مجسمات يعني ) و علقي في المجسم بطاقة مكتوب عليها الكلمة أو الحرف.. وسمية الصندوق السحري .. وهاتي لج عصا ملونها ( عصا الساحر ) واطلبي من واحد من الاطفال ياشر بالعصا على الصندوق و يستخرج المجسم و يسمية و يقرا الحرف و هكذا ،، وااااااااااااااااايد بيستانسون بيستوون كلهم سحرة و أخيرا خليهم يطلعون الحرف من الحروف الموجودة على الصندوق ..
والصندوق ممكن تستفيد منه بكل حرف تعطينه ..
وبعدين ممكن تسوين بطاقات عليها كلمات مختلفة تحتوي على الحرف و توزعينها في اركان الفصل وتخليهم يدورونها وياشرون على الحرف المطلوب ( البحث عن الكنز )

أتمنى تكون الفكرة وصلت .. وتكون يديدة

أختج احسااااااس

اختي احساس فكرتج وايد حلوه وتنفيذها بيكون مسلي للاطفال وبيستانسون منها

وممكن تخبرينا اختي ام غلا شو الحرف اللي بتقدمينه ؟

اختي احساس … افكاااار جدا جميلة و عجبتني و بطبق الثنتين في احرف مختلفة …
مشكوووورة …

اختي هدى زمزم … الحرف بيكون "ز" …احنا متأخرين في الحروف بسبب ظروف نقلنا
فبدينا متأخر …