التصنيف: الدروس الإلكترونية

ما رضا يفتح عندي مع اني منزلة flash MX و نفس المشكلة عندي بالبيت يوم افتحه تطلع لي هالرسالة

حاولت افتحه من main يطلع لي منهج ثاني

ارجو المساعدة لاني الصراحة لا اقدر احضر و لا اقدر ادرس

الله رحمني بدليل المعلم و الا لكنت ما درست هالفصل

حجمه صغير حوالي 1 ميجا

بس جدا ممتاز يشغل لك منهاج هذه المرحلة
انا استخدمه مع طلبتي و في أجهزة المختبر جدا ساعدني

اذا قدرت انزله هنا راح انزله قريب

بالتوفيق لك

و سديم الليل إن حصلتي البرنامج لا تنسينا

لانه المنهج كان يفتح عندي بس فجأة استوى ما يشتغل

و مشكووورة يا مزيونة الفجيرة بس سؤال اي رابط اللي انسخه

اللي مفروض ينفتح اذا ضغطت على start و الا اللي موجود فيه start

تسلمين و ما تقصرين

السلام عليكم ورحمة الله …

عيدكم مبارك وتقبل الله منّا ومنكم صالح الأعمال

بصراحه , هذا الموضوع كنت ناويه أنزله من بداااااااية هذا الترم حتى يستفيد منه الجميع ,

لكن بسبب انشغالي _ الله لا يشغلنا الا بطاعته _ لم أستطع ان اكتبه الا اليوم

مع انه يوم عيد واجازة لي الا اني أحببت ان استغلها واتعب فيها

لوجة الله ثم لأجلكم ..,

طالبةً منكنّ لقائها دعووووة صاااااااادقه فقط بــأن :

.. يغفر الله لي ويرحمني و يرزقني ما أتمناهـ عاجلاً غير آجل ومن حيث لا أحتسب ..

أرجوكم يا أخواتي والله لا أطلب منكن غير هذه الدعوه بقلب صادق
صدقيني أنا على يقين من استفادتكِ منها أو من بعضها ..

واانا راااضيه بأن تنقل الموضوع من رأت انه مفيد لأي موقع أخر بشرط :
أن تبلغني بالموقع مسبقاً
ومشيرة إلى المصدر
( مدونة لكِ _ جليسوليد )
مع طلبي بالدعوااات الصادقه بالرحمه والمغفره و تحقيق امنيتي ..

عموماً ربما لا يكون الموضوع بهذهـ الأهميه ولكني أجده مهماً جدا لمن أرادت الاستفادة من عدة أشياء (الحاسب خاصة و أي مادة أخرى عامة) :

1 أفكار مقدمات للدروس ..
2 أفكار لتسلسل وتتابع الدروس ..
3 عرض الدروس بالبوربوينت ..

( ستجدن بإذن الله مايسركن من عروض لمادة الحاسب من تصميمي أقسم بالله انها أخذت من جهدي أياماً لإعدادها لما كنت أطبق الترم الماضي ولكن حباً فيكن ورغبة في ان تعمّ الفائدة , و أيضاً تستطيع معلمة أي مادة أخرى الاستفادة منها وخصوصا الحركات وطريقة العرض فيها مع تغيير المضمون )..

4 دفتر تحضير متكااااااااااامل بإذن الله من الصفحة الأولى وحتى سجل تقييم الطالبات ..
والتحضير فيه بطريقة متسلسلة تبدأ بـ :
أ – عنوان الدرس و الباب , اليوم والتاريخ , الحصة و الفصل , المحتوى ..
ب – مقدمة للدرس ..
ج – الأهداف التدريسية مرتبة بطريقة " عرضيــــــــه " كالتالي
(( الأهداف السلوكية .. طريقة العرض .. الوسائل التعليمية .. التقويم ))..
د – ورقة عمل " مبتكره " ..

( طبعاً كل طالبة تطبيق راح تنهبل من كثر مااتستمع هالكلمه ..!
لكن صدقيني حبيبتي مجرد ماتشوفين أوراق العمل وتدرج ابتكارها عندي من أول ورقة في أول درس وآخر درس ستعلمين أهمية هذا الابتكار على الطالبات وعليييييييكِ انتي كمعلمة وعلى الدكتوره اللي طالعه معااك , بحيث مايهم ان الفكره تكون جديده او قديمه المهم انشغال الطالبات بشكل ممتع بحل ورقة العمل الخاصة بدرسك ) …..

هـ – نشاط في نهاية الدرس <<<< أيضاً نحن كنّا مطالبين به في التحضير .!

,,,

عزيزاتي .. أنا كما قلت لكم كنت طالبة في جامعة الملك سعود قسم حاسب آلي تربوي ,

وقمت بالتطبيق لمادة الحاسب لـ ثاني ثانوي , الترم الثاني ..

والحمد لله نجحت بمعدل عالي ولله الحمد والمنّه بعد جهد وتعب والله

لكن ربي ماخيّب رجاي الحمدلله ..,

لاتتصورون انكم ماتقدرون توصلون لها أو للتميّز ..!

كلنا نقدر بالجهد و التركيز شوي ومن الاستفادة من تجارب الغير نقدر ليش لأ ..؟

وها أنا أضع امامكن تجربتي حيث اني كنت ابحث عن تجارب غيري ولكن للأسف تحطمت فبدأت من الصفر .. لذلك عاهدت نفسي بأن اساعد من استطيع مساعدته من أخواتي الخريجات والمعلمات ..

حبيباتي سأبدأ بالصفحات الأولى لدفتر التحضير بشكل متسلسل ومرتب ..

حتى لا يكون هناك أي تشويش لكن أنبّه لنقطتين مهمتين :

النقطه الأولى :
انك راح تحتاجين لنوعية معينة من الخطوط كنت استخدمها وقت تحضيري وهي :
حمليها الأول في جهازك عادي وفكي الضغط ..
بعدين سوي لكل واحد منها قص و ألصقيها في ملف الخطوط ( اللي موجود في لوحة التحكم )..
– ممكن تتغاضين عن هذي النقطه اذا مايهمك ان الملفات تطلع بشكلها الصحيح ومرتبه –

http://www.hdrmut.net/ufiles/1131103993.zip

اتفقنا ناخذ اللي يعجبنا ونطووره أكثر وبعدها ننسبه لأنفسنا ..؟

ونعم والله …,

يالله بسم الله راح أبدأ بالصفحات الأولى من دفتر التحضير عشان تعرفون كيف طريقة ترتيبه من البداية طبعا هو بأي طريقة أنتي حابتها لكني انا حبيت هالأشكال السحاب و الفراشات لدفتر تحضيري ..
كفاية أشكال حواسيب و توابعها بالعروض و الصور ..!

" الصفحة الأول "

طبعاً راح تحتوي على

إسمك كامل و اسم مادتك نفس ماهي مكتوبه على الكتاب ,
جدول الحصص الخاص بكِ ,
طريقة توزيعك للدرجات ,
( أطلبيه من معلمة نفس المادة في المدرسة قولي أبي طريقة توزيع الدرجات اللي معممينه عليكم من قِبل مشرفة المادة في التوجيه لانها لازم تكون معطيتها ورقة بطريقة التوزيع )

بالنسبة لي الترم اللي فات (حاسب ثاني ثانوي ) كان بهالطريقة :

http://www.hdrmut.net/ufiles/1131104508.doc

" الصفحة الثانية "

هذي خلي فيها فقط الأهداف العااااامة للمنهج ..

بتقولين وش معنى أهداف عامه ..؟

طبعاً احنا كتربويين المفروض اننا آخذينها قبل ننزل للتطبيق وسبق وعرفنا انها الاهداف بعيدة المدى للمنهج اللي انتي تدرسينه ,,

عموما حبيبتي ولا يضيق صدرك راح تلاقين هالاهداف جاهزه في كتاب المعلم

والنت ملياااان بعد كل مادة و الأهداف العامة لها ..

وهذي الأهداف العامة اللي جمعتها للحاسب

http://www.hdrmut.net/ufiles/1131104631.doc

" الصفحة الثالثه والرابعة "

هذي خصصتها لتوزيع المنهج ,,

يعني كيف راح تعطين الدروس على مدى أسابيع الفصل الدراسي ,,

وهذي كانت طريقتي بالتوزيع

http://www.hdrmut.net/ufiles/1131105825.doc

" الصفحة الخامسة "

هذي خصصتها للمراجع اللي استخدمتها أو اللي أتوقع اني راح استخدمها عموماً في دروسي القادمة ..

اكتبيها واطبعيها عادي وممكن بعد كل درس تزيد المراجع ..!

عااادي جداً .. اكتبيها مره ثانيه واطبعيها واستبدلي الصفحات بس ,

على فكرة أنصح بإستخدام دفاتر التحضير اللي تكون على شكل أوراق تضاف إلى ملفات سلك ..

ليش ..؟

لأنك راح تتعبين من كثر ماتعيدين طباعة الصفحات واحيانا التعديل وغيرها من الامور اللي انتم ادرى مني فيها بالتحضير .. فيسهل عليك استبدالها بدل ماتشقين اوراق وحوووسه ..

هذي ياحبيباتي كانت مراجعي فقط من بدااية الترم لنهايته

http://www.hdrmut.net/ufiles/1131106154.doc

الحين ياحبيباتي نجي لسالفة التقييم اللي راح تعقدكم ببداية تطبيقكم شوووي

أول شيء خصصي لك دفتر تقييم لطالباتك عااااادي يكون معاك داايم

وهذا صدقيني ماراح تهتم فيه مشرفتك يعني ماتشوفه , اللي يهمها طريقة استخدامك له يعني

انها تشوفك تستخدمينه أول الدرس في السؤال عن الدرس اللي فات ,
وانها تشوفك تستخدمينه مثلا لو بغيتي تعطين طالبة درجة اضافية نتيجة اجابة رائعة أو تنقصين طالبة نتيجة سلوك معين ..

المهم مشاهدتها لإستخدامك سجل التقييم مهممم جداً ( لصاالحك ياعزيزتي هذي نقطه مهمه راح تتقيمين عليها) ,,

طبعا الدفتر هذا تلاقينه بالمكتبات ويسمونه " سجل متابعة "
يكون مقسّم بشكل جدول .. انتي عاد حسب وش تبغين تقيمينهم عليه اسبوعيا ؟؟

أنا مثلا اخترت الدرجات بهالطريقة وسويت بنفسي سجل المتابعة وخليته منفصل عن دفتر تحضيري
طبعاً بعد كل درس انتهي منه أطبع نسخه منه واضيفه إلى السجل الخاص فيني

http://www.hdrmut.net/ufiles/1131107810.doc

بحيث انه في نهاية الترم ان شاء الله تجمعين درجات طالباتك وتحطينه عاد الحين فيما يسمى

( كشف درجات الطالبات )

أماااا هذا فـ راح يكون جزء من دفتر تحضيرك وهذا كشف طالباتي

http://www.hdrmut.net/ufiles/1131108106.doc

أتمنى ان الفكرة وصلت المهم تفهمين عزيزتي ان السجل مختلف عن الكشف ..

فالسجل هو جدول متابعة لطالباتك في كل حصة يكوون معاك وترززينه قدام مشرفتك اذا جتك !

أما الكشف فيكون جزء من دفتر تحضيرك ولا راح تستخدمينه الا في رصد الدرجات كما هو مبين في الملف السابق ..,

يعني باختصار هالصفحة السادسه قلنا انها مخصصة لكشف طالباتك

أحيانا يكون معاك أكثر من فصل أو الاسماء كثيييرهـ ..

فـ بهذه الحاله راح تحتاجين أكثر من صفحة , عادي .

" الصفحة السابعة وهي خاصة بمدرسات الحاسب "

هي صفحة غير مهمة ولكن راح تعجب مشرفتك كثييير ,

وهي تحتوي على رسم بياني لشكل المعمل الخاص بمدرستك ..

http://www.hdrmut.net/ufiles/1131106409.doc

وزعي طالباتك على شكل مجموعات يرغبن بها بحيث تكون المشاركة فعالة بشكل أكبر ..

وهو مايدعو له التعليم التعاوني ..

اكتبي اسم كل طالبة على الطاولة التي ستجلس عليها طوووول الترم ,

علقّي هذه الصفحة في المعمل بحيث يكون معروف النظام لطالباتك ..

اطبعي نسخه من هذه الصفحة واضيفيها كإضافة فقط جميلة لدفترك تحضيرك في أي مكان ترغبينه ..

بعد كشف الدرجات او ان رغبتي في نهايته ,,

اللي تحبينه

راح أعرض بإذن الله لكم الدرس الأول ,

" الدرس الأول "

راح تلاحظوون في نهاية عرضي لدروسي الفرق الشااااااسع بين الدرس الأول و الأخير من ناحية العرووض و أوراق العمل والحركاااااااات ,

لأن الخبرة يا حبيباتي لها دوور .,

الدرس راح يكون داخل ملف مضغووط ..

فكي الضغط عنه ستجدين ملفين :

1 الموضوع الثاني .. عبارة عن ملف وورد ..مجموعة من الصفحات تطبع و تضاف لدفتر التحضير عادي ..

2 الموضوع الثاني عبارة عن ملف عرض بوربوينت لهذا الدرس ,

http://www.hdrmut.net/ufiles/1131109045.zip

والسر في اسم " الموضوع الثاني " اننا بدأنا بتدريس الموضوع الثاني وليس الأول بسسس ..

لأننا حضرنا المدرسة في الاسبوع الثاني وكانت معلمة الحاسب قد بدأت في الاسبوع الاول بالتدريس ,

عموماً حبيباتي إلى هنا ..

تعبت والله ..

فالتحميل و الكتابة تحتاج لجهد لأن الحجم مهب صغير ,

سأذهب لأصلي وارتاح قليلاً ثم اذا وجدت ان هناك فائدة فعلاً أكملت معكن كامل المشوار إن شاء الله ..

.. دعواتكم الصااادقه لي ..

فقط دعوااات صادقة , هي كل ماا أرجووه ..

أستودعكم الله ,

——————————————————————————–

هذا الدرس الثاني فيه نفس الشيء :

1 دفتر التحضير وفيه كل شيء من المقدمه الى الواجب بشكل مفصصصصل مع الصور وكل شيء ..
طبعا حطيته لحاله لأن موقع التحميل رفض انه يحملهم مع بعض صار الحجم مره كبير ,
فكي الضغط بعدين افتحيه

http://www.hdrmut.net/ufiles/1131160192.zip

2 وهذا عرض الدرس بالبوربوينت

http://www.hdrmut.net/ufiles/1131160358.zip
وترا للحين مازلت في البدايات مابعد بدت الافكار الختييره ..

" الدرس الثالث "

هناااااا بدت الأفكار تنزل علي من السماء .!!

اول شيء فكرة المقدمة مرررره جذابه + النشاااط فكرته كانت من عالم حواء الله يجزاها خير صاحبة الفكرة طبعاً كانت مع بعض الاضافات ,
ايضا استخدمت فيه وسيلة طبعتها ووزعتها على طالباتي ..
نفس الشيء فكرة انك تعززين طالباتك المتفوقات أثناء شرحك للدرس راح يعطي نتييجة راائعه على طالباتك وراح تشوفين بنفسك وانتي تشرحين لهم الدرس واسمائهم مكتوبه على العرض ..!

1 دفتر التحضير بشكل مفصل ,
2 الوسيلة اللي استخدمتها ,

http://www.hdrmut.net/ufiles/1131160864.zip

3 عرض بوربوينت كامل قسمته على ملفين

تدرون ليش ؟
لأني محمله كل شيء بشكل مفصـــل فصاير الحجم مره كبير ولا أقدر أحمله كله مره وحده زي اللي قبل لأن هذا الدرس كان يحتوي على صور كثيرهـ وفيه حركات كثيرهـ ,

هذا الجزء الأول من العرض :

http://www.hdrmut.net/ufiles/1131162269.zip

هذا الجزء الثاني من العرض :

http://www.hdrmut.net/ufiles/1131162412.zip

طبعاً هم في الدرس كانوا في عرض واااحد ,,,

" الدرس الرابع "

هذا كان درس تابع لكتاب التدريب العملي ..

1 التحضير من المقدمه الى النشاط .,
2 العرض بالبوربوينت .,
3 عرض فيديو .,

كلها في ملف واحد لأن الدرس كان قصير نوعاً ما

http://www.hdrmut.net/ufiles/1131162699.zip

هذاااااا الدرس أعتبررررررررره نقله كبيره لي ولله الحمد للأمام ,,

من عدة نواحي منها اني اتقنت ولله الحمد طريقة العرووض كذلك تسلسل الدرس كان جداً جذاب للطالبات ..,

أيضاً من ناحية اخرى ترا يهمّ المشرفه انك ماتستخدمين الوورد مثلا او غيره بطريقة مباشره في العملي ..!

لا طبعا , المفروض كله تسوينه في عرض بوربوينت وهذااا اللي تعبنااا وهد حيلناااا ..

لكن الحمدلله صدددق , ازرع تحصد ..!!

كذلك الدرس كان يحتوي في بدايته على امتحان ( كويز ) مفاجئ ,
لابد من التنويع في طريقة تقييمك لطالباتك وليس دائماً أسئلة شفهيه في بداية الدرس ..؟
وهذا فيه نوع من الاختصار للوقت اذا شفتي ان الدرس طوويل .. سويها ,

أيضاً ورقة العمل مرررره كان اخراجها حلوو ..

بس ترى لسى مابعد بديت بالابتكاار المطلووب فعلاً راح تشوفونه بالدروس القادمه ان شاء الله ,

وهذي هي كلهااااا \

فيها ( التحضير كاااامل + عرض الدرس + الاختبار المفاجيء + ورقة العمل ) ..

http://www.hdrmut.net/ufiles/1131163636.zip

" الدرس السادس "

هذا الدرس تابع للدرس اللي فات راح تلاقينه في الكتاب في نفس الدرس ..
لكن نظراً لأن الحصتين لا تكفي لاعطاء الدرس ثم التطبيق لكل الخواص ,,

قسمناها إلى اسبوعين كان هذا الدرس نصيب الاسبوع التالي

وهو بنفس طريقة درس الاسبوع الماضي ,,

الملف يحتوي على

( التحضير كامل + عرض الدرس بالبوربوينت + ورقة العمل )

http://www.hdrmut.net/ufiles/1131164109.zip

" الدرس السابع "

هذا الدررررررررس أتحدى وحده تشوووف فكرة العرض حقته وماتعجبها ..!

مرررررررره مرررررره أثنت مشرفتي عالدرس الحمدلله ونال اعجابها ..

حطيت العرض كأنه تلفزيون بحيث بالبدايه كان مقطع فلاااش كرتوني حتى حملته لكم عشان تشوفونه وتضحكون ..

بعدين يبدأ الدرس بفكرة ان التنسيق كأنه عمليات تجميل ويبدأ تسلسل الدرس ,

وهذا هو ملف كاامل فيه كل اللي عودتكم عليه

( التحضير كامل + عرض البوربوينت + الفلاش + ورقة العمل )

http://www.hdrmut.net/ufiles/1131164533.zip

بناااات اللي تبغى الفلاش يشتغل معاها مثل ماكان في الدرس يعني داخل عرض البوربوينت

تحط الفلاش + العرض في سي دي

بعدين تشغّل العرض عادي وتعرضه ..

راح يشتغل معاها الفلاش بالطريقة اللي أنا سويتها ..,

لأني أنا حاطه انه امتداد الفلاش اللي راح يشتغل بالبوربوينت بيكون موجود على سي دي وقت العرض , فهمتوووني ..؟

,,,

حبيباتي

أتمنى لكن الفائدة فيما سبق ..

ولي عودة بإذن الله قريبه جداً لأكمل لكنّ بقية المشوار ….

لاتنسوني من صالح دعوااتكم

أستودعكن الله

هذا الدرس اتخذت فكرته من زينه ونحووووووول ..!

<<< كااانت تحبه وهي صغيره ..

المهم هذا الدرس كااامل بالملف

( التحضير مفصل + عرض الدرس + ورقة العمل + التدريب الخاص بورقة العمل واللي احمّله انا في أجهزة الحاسب في المعمل قبل دخول الطالبات للدرس عشان مجرد مايبدأ التطبيق يفتحونها أثناء اتباعهم للتعليمات الموجوده في ورقة العمل اللي اوزعها عليهم طبعاً بعد الدرس
+ وسيلة الدرس يعني كنوع من التلخيص الذهني للطالبات بعدين تساعدها في المذاكره واسترجاع الدرس طبعاً اوزعها بعد الدرس + وسيلة النشاط تطبع وتكبر على لوحة فلين )

http://www.hdrmut.net/ufiles/1131208540.zip

" الدرس التاسع "

هذاااااا الدرررس تقريباً مثالي نوعاً ما للمشرفات ,

ليش ؟ …. لأسباب

1- فكرة وتسلسل وعرض الدرس كانت جذّابه للطالبات ..

2 – ورقة العمل بدأت بتطبيق معنى الابتكارررر واصبحت أتعمق أكثر في هذا المفهوم ..
فكانت عبارة عن ألغاز تقوم الطالبة بحلها وليس تطبيقاً للدرس مباشرة بأوامر
قومي وافعلي وافتحي واغلقي ,..الخ

يعني فيها نوع من تشغيل المخ والتفكير والمناقشه بين الطالبات وراح يكون فيها تحدي ومرح بينهم ..

هذا هو الي يبونه ..

انتبهي حبيبتي توقعين بنفس خطأي بالدرس الأول ..

لأني ماكنت أحب يكون فيه أي نقاش جانبي بين طالباتي ومن ارادت فلتسألني انا ..!

ولكن أقنعتني مشرفتي ان هذه الطريقة خاطئة أثناء تطبيق الدرس والأفضل لهنّ ان يكون فيه نوع من المشاركه الفعاله بينهم ……

أنتي عاد اسألي مشرفتك , هل هالطريقة تنفع والا لا …؟

اذا قالت لك ممتاز , فهي من أنصار التعليم التعاوني ..,

وان كانت ترفضها فالأفضل لكِ تطبيق ماتطلبه منك بحذافيره …

هذا هو العرض بالبوربوينت وطبعاً خليته لحاله لأنه كبير الحجم :

http://www.hdrmut.net/ufiles/1131237303.zip

وهذا فيه ( ورقة العمل + بالإضافة للملفات الي هي الألغاز الثلاثة التابعة لتطبيق ورقة العمل وانا كنت حاطه الألغاز كلها في ملف سميته " مستشفى الحاسب " وحملته على الأجهزه عشان يطبقوون التدريب على طول بعد الدرس + دفتر التحضير مفصّل )

http://www.hdrmut.net/ufiles/1131237652.zip

" الدرس العاشر "

هذا درس بعد فكرته حلوووه مرررررره <<< مداااااااااح رووحه ..!

لا بس لأن بصراحه والحمدلله صرت الاحظ فررررق شاسع بالعرووض و أوراق العمل

لكن بالنسبه لدفتر التحضير الحمدلله فمن البداية كان دفتري كامل وهذا بشهادة الدكتوره اللي طالعه معي الحمدلله ..

لأني كنت اتعب فعلاً بالافعال والاهداف التدريسيه ….

يالله حبيباتي هذا الملف يحتوي على

1- دفتر التحضير مفصل ..
2- ورقة العمل وفكرته حلووه كأنها لعبة تسوي الطالبة طبعاً جدول وتصير اللعبة كأنها السلّم والداااب راح تفهمونها اذا قريتوهاا .
3- ملف يحتوي على اللعبة نفسها اللي حمّلتها بحواسيب المعمل قبل الدرس ..
4- فيه لعبة فلاشيه هذي بعد حملتها لكم كانت عبارة عن النشاط في نهاية الدرس وفكرتها موجودة في نهاية دفتر التحضير ..

http://www.hdrmut.net/ufiles/1131240518.zip

وهذا عرض البوربوينت إن شاء الله يعجبكم

http://www.hdrmut.net/ufiles/1131242292.zip

" الدرس الحادي عشر "

هذا الدرس اخترت فكرته كـ نوع من التعزيز لطالباتي النشيطات ..,

وفيه ملييييييييت من كثر الدروس باللغة العربية قلت نقلبها سواااليف قصيميييه انا وطالباتي

عالعمووم الطالبات انبسطوو مرّهـ الحمدلله ..

هذا الملف يحتوي على \

– التحضير كااامل ,
– ورقة العمل ,
– ملف سميته " منزل العروسه وفاء " وهي احد طالباتي الممتازات وهذا الملف هو اللي حملته بالاجهزه عشان يطبقون عليه في نهاية الدرس ,
– كذلك ملف " نشاط أعلام الدول " وهذا كذلك يحمّل في الاجهزه عشان النشاط وفكرته موجوده في دفتر التحضير ,

http://www.hdrmut.net/ufiles/1131315574.zip

هذا عبارة عن عرض البوربوينت وقسمته لأربع ملفاات حجمه غريبه طلع كبير بالمرّه

أول 3 عبارة عن الدرس كامل مع عرض اشرح فيه للطالبات ورقة العمل
والأخير عبارة عن الملخص \

http://www.hdrmut.net/ufiles/1131316899.zip

http://www.hdrmut.net/ufiles/1131317308.zip

http://www.hdrmut.net/ufiles/1131317708.zip

http://www.hdrmut.net/ufiles/1131318034.zip

هذا الدرس كان عبارة عن جزئيين \

الجزء الأول :

ادراج الصور والرسوم _ واحنا كنا مطالبين بعمل برنامج تعليمي من مشرفتنا الله يذكرها بالخير كانت جداً رائعه الله يجزاها الجنه ..

فاخترت هذا الدرس لعمل البرنامج واخترت شخصيات " قطعة 13 "

عمووما البرنامج كان فلاشي وبما انه يحتوي على اصوااات وحجمه مررره كبير

مستحيل اقدر انزله , لكن اخذت منه ماينفعكم وهي عرووض البوربوينت والي شرحت فيها محاور الدرس ..

واللي تحب تفهم تسلسل البرنامج التعليمي راح تفهمه أكييد من دفتر التحضير لأني مفصله فيه كل شيء …

وهذي العروض الثلاثه للجزء الأول من الدرس التابعة للبرنامج التعليمي \

http://www.hdrmut.net/ufiles/1131318477.zip

الجزء الثاني :

كان عبارة عن الطباعة واخترت فيه نفس الشخصيات لكن العرض كان على البوربوينت بالبروجكتر يعني مااهوووب برنامج تعليمي على سي دي ..

يعني الدرس كان عبارة عن تعليم ذاتي بعدين جماعي ..

وآخر الدرس تمّ تطبيق ورقة العمل ثم النشاط ..

وهذي كلها موجودة بالملف هذاا \

( العرض الخاص بالطباعة + دفتر التحضير كامل للجزئين + الصور اللي حملتها على الأجهزة لتطبيق ورقة العمل )

http://www.hdrmut.net/ufiles/1131315760.zip

" الدرس الثالث عشر "

هذا الدرس كان نظررري

سووويت عرض عبارة عن قصة ..

وورقة العمل كانت طبعاً عبارة عن اوراق اوزعها في نهاية الدرس اتأكد من فهم البنات للمفاهيم اللي آخذناها , لأنو مافيه تطبيق ..,

هذا الملف يحتوي على كل شيء \

العرض + دفتر التحضير كامل وفيه ورقة العمل ووالنشاط

http://www.hdrmut.net/ufiles/1131318900.zip

" الدرس الرابع عشر و الأخييير "

هذا الدرس أيضاً عبارة عن برنامج تعليمي ..

لكن كان لصديقاتي و دكتورتنا سمحت في تبادل البرامج عند الانتهاء منها ..

لذلك سأضع لكنّ التحضير فقط لأن البرنامج خاص بصديقاتي ,

http://www.hdrmut.net/ufiles/1131320726.zip

,,,

وبهذا أكوون قد أنهيت معكم المشوااااااااار

الحمدلله ,

حبيباتي أسألكن بالله من استفادت فلتدعوو لي بالمغفرة والرحمة و تحقق أمنيتي اذا كان فيها خير لي ,

ومن لم تستفد فلتستر على ماواجهت ..

شكراً للجميع ..

طبعاً احنا ماامتحنا طالباتنا ,

لكن جزء من درجة تقييمنا وقت التطبيق كانت على كتابة الاختبارات وتقييم الطالبات ..

فطلبت مشرفتنا عمل

( اختبار نهائي نظري + اختبار نهائي نظري + لو بغيت اكتب اختبار فيه فكرة )

طبعاً سويت الثلاثة كلها وقدمتها لها والحمدلله كانت كامله ,

هذا ملف يحتوي على \

– الاختبار النهائي العملي ومكوّن من صفحتين كل وحده لحالها سويتها كذا عشان تنطبع زين معي ,

– الاختبار النهائي النظري ومكوّن من أربع صفحات ,

– اختبار فيه سؤالين تفكير ,

http://www.hdrmut.net/ufiles/1131343808.zip

,,,

هذا كل شيء قدّمته .. ومجهوود تررررم كااااااامل وربي ..

الباقي اللي راح انزّله ان شاء الله راح يكون مواقع و قوالب بوربوينت أعجبتني اذا تتوقعون تفيدكم ..؟

1 – طبعاً أهم موقع فادني كثير هو موقع مايكروسوفت نفسه \

فيه قووالب بالهبل سواء وورد أو بوربوينت أو صوور ممكن تضيفينها لعرضك أو دفتر تحضيرك ..

http://office.microsoft.com/en-us/t…es/default.aspx

طبعاً القوالب بالانجليزي هي ( Templates )

2 – هذا موقع مسوينه طالبات مجموعة ثانيه الله يجزاهم خير وفيه نقاط مفيدهـ وتجارب راح تنفعك ان شاء الله \

http://www.geocities.com/cstadreeb/index.htm

3 – هذي مجموووووعة من القوالب اللي حملتها وكانت معجبتني طبعاً غير عن اللي استخدمتها في دروسي ممكن بعد تستفيدون منها بحذف الشرائح الثانيه ..

وانا ترا من النووع اللي تجيني الفكرة أحياناً من شكل القالب , تصدقوون ؟

عشان كذا ماالوم اللي تبحث عن أشكال حلووه تفتح النفس ..

ونصيحه اذا مالقيتي اللي يعجبك ابحثي عن صور تلهمك فكرة للدرس ..

بعدين شمرري عن ساعديكِ

وافتحي برنامج البوربوينت وتبدين بالفكره من عندك من الصور اللي عندك ادرجيها وكملييي الباقي ,

عزيزاتي هذي ثلاث ملفات تحتوي على قوالب ان شاء الله تنال اعجابكم \

http://www.hdrmut.net/ufiles/1131346000.zip

http://www.hdrmut.net/ufiles/1131346169.zip

http://www.hdrmut.net/ufiles/1131346517.zip

وهذا هو الملف \

http://www.hdrmut.net/ufiles/1131346594.zip

5 – هذي مجموعة كبييييييييره من الصور اللي محملتها من مواقع كثييرهـ ان شاء الله تستفيدوون منها في دفاتركم او عرووضكم .. \

http://www.hdrmut.net/ufiles/1131643339.zip

http://www.hdrmut.net/ufiles/1131643808.zip

http://www.hdrmut.net/ufiles/1131644010.zip

http://www.hdrmut.net/ufiles/1131645240.zip

http://www.hdrmut.net/ufiles/1131645701.zip

http://www.hdrmut.net/ufiles/1131646402.zip

http://www.hdrmut.net/ufiles/1131646644.zip

http://www.hdrmut.net/ufiles/1131647296.zip

وبالنسبه للمواقع اللي احمّل منها والله مالي موقع محدد ,

اللهم الا اني أدخل موقع " قوقل " ماغيرهـ :

www.google.com

وأختار على " صور " بدل عن " ويب " على أساس تطلع لي صور بس ..

بعدين أحاول قدر الامكان اترجم الكلمة اللي أبغاها للانجليزي ..

مثلا لو بغيت صورة بنت كرتونيه أكتب cartoon girl ..

بعدين اذا سويت بحث راح يطلع لي كل صور البنات اللي مرفوعه على النت واللي بشكل كرتوني ولها نفس الإسم ,

احمّل الصورة عندي وافتح على برنامج الفوتوشوب وأشيل الحواف البيضاء اللي على الصوره علشان أقدر استفيد منها في عرضي أو دفتري ,

بس هذي طريقتي بكل اختصار في الصور ..,

"

أخواتي إلى هنا قمت بواجبي ونقل موضوعي كاامل ,

..من استفادت منه فلتدعوا لي بإن يغفر الله لي ويرحمني و يرزقني ما أتمناهـ عاجلاً غير آجل ومن حيث لا أحتسب ..

فأنا بحاجة لدعوة صادقه ,

واستروا ماواجهتوا ..

أستودعكن الله ,

سبحانك اللهم وبحمدك أشهد أن لا إله الا انت استغفرك واتوب إليك ..,

الله يعطيها العافيه ماشاء الله جهد ولا أروع …

لك كل الشكر والتقدير وأسأل الله لكل التوفيق والرحمة والمغفرة في الدنيا والآخرة

جزيت عنا خير الجزاء وبارك الله فيك

شكرا لك اخوي على الدروس اللي في قمة الروعه

ربي يعطيك العافية

والله يجزيك كل خير ^^

http://www.youtube.com/channel/UC2ZyuI2_6TO0EiHQqvwDOEA