السلام عليكم ورحمة الله وبركاته
أستاذي الفاضل انا أمينة سر بإحدى مدارس المنطقة الغربية وأحب أواكب عصر التطور في العمل بس حاسة انه عمل أمين أو أمينة السر روتيني ما يتغير وحاولت اني اغير فيه بس ما شي فايدة احس انه الروتين طاغي عليه …………..
فأتمنى أستاذي الفاضل لو فيه خطة معينة أقدر اتبعها وفي نفس الوقت اكسر الروتين ..
والسموحه منك أستاذي الفاضل وان شاء الله ما اكون ثقلت عليك …
أختي الفاضلة الابداع أن تكون مبدع وتحدث ابداع وليس الجلوس وانتظار الابداع أن يصل اليك
اسعي لتطوير عمل فكتبي مثلاً خطه يوميه بس نفذي المطلوب بطريقه مبتكره يعني شوفي كيف تقدمين البريد وكيف تتعاملين معه وفكري بطريقه تجله أكثر جاذبيه حتى من يراه لا يعرف انه بريد يومي ابتكري
احصري بيانات العاملين وطوري فيها فمثلاً سجليها على برنامج الأكسس وحفظيها بحيث لو طلبت منك تكون موجوده عندك
صممي خطه سنويه لك مطوره
لا تكرري كلمة روتين فالروتين من نصنعه نحن وليس هو من يصنعنا
حاولي ان تضعي لمساتك على الملفات يعني غيري فيها قدر المستطاع
هذا والله الموفق
مشكوووووورة غاليتي ويعطيج العافية ع المداخلة الطيبة
بس انا مسويه كل هذا بس احسه شي عادي ما فيه اي شي من احس مهما سويت احساسي دوم اني مقصرة
اأحلى امونة…
برأيي ان عمل أمينةالسر..اداري بحت…ومؤطر..وهوايضامحدود المدى…
شىءلاحظته من خلال زيارتي …
فهذاطبيعةالعمل المحدد…
أستاذي الفاضل شاكرة لك مرووورك الكريم وعساك ع القوووة ومثل ما تكرمت انه هو عمل إداري بحث …
عزيزتي والله حتى أنا أحس بنفس الشي بس في شي لاحظته
أن كل ما بغيت أغير شي أو أنجز شي توقف اللوائح عائق أمامي
بس صرت أتحايل عليها وجدد ملفاتي بحيث كل فتره أشوفها غير
وأظفت ملفات جديده مب موجوده باللوائح يعني تغير
بس مهما جلس أقول روتين ملل أحس بالملل لكن اذا دخلتي مكتبج اليوم تمي استغفري لمدة 5 دقايق بس بتحسين بالراحة
مشكووورة غاليتي ع الدافع القووووي وان شاء الله بحاول اليوم أشوف شي يديد لعل وعسى اطلع بنتيجه …
تمنياتي لك بالتوفيق
لكن هناك شي لم أذكره سابقاً
في محاضرة الاستاذ سيف الأخيره طلب منا التحرك والذهاب في زيارات لتجديد مثلاً اذا عندكم مدرسة قريبة من مدرستكم قومي بزيارتهاوشوفي هي شو مسويه صحيح بتلقين نفس الشي لكن من شخص لشخص دايماً في شي يفرق ويمكن تتعلمين منها شي جديد يحثج على التطور
واذا تبين شي تراني في الخدمة ومايردج الا لسانج
تسلمين حبيبتي وما قصرتي بس انا تراني مب يديدة ع الوظيفة بسب احس كل اللي اشوفه شي تقليدي لكني انا اطمح حق شي يديد …. شي مطووور ….شي مبدع وهو صح لازم الابداع يكون مني انا بس بعد احس اني مقصرة
حتى القديم يريد تجديد في حياته حتى لا يتراكم التراب عليه
شكرا اختي الفاضلة ومجرد بحثك عما هو جديد في مهنتك دليل على طموحك للارتقاء بذاتك وبالتالي بوظيفتك
انا اخالف من يقول ان وظيفة امين السر عمل روتيني ، وفي الميدان من اثبت عكس ذلك والحمدلله ،، وللعلم اية وظيفة ممكن تكون روتينية مملة اذا نظر اليها الموظف بهذه النظرة
مساء الانوار يا اختنا الطموحة للتغيير نحن من نصنع التميز ولا نستسلم للروتين
ونحن نسير على خطى سيدي صاحب السمو محمد بن راشد في مقولته الشهيرة
نحن لا نرضى إلا بالمركز الأول ،،،،استفيدي من خبرة امينات السر فعمل اميناتنا ليس حبيس مكاتبهن ولكن نجدهن دائما معنا في كل الأنشطة دينمو المدرسة ،، نستمد النشاط والقوة من هممهن العالية وافكارهن المتميزة ،،،
أستاذي الفاضل سيف المطوع شاكرة لك تفضلك بالرد ومداخلتك الطيبة
ويعيطك العافية يارب …
مدرسة المنصور هلا وغلا والله نورت الموضوووع
وشاكره لك تفضلك بالرد
بس تراني انا مب من النوع اللي يتم ع نمط واحد لا بالعكس احاول اسوي كل شي يديد بس تعرف فيه اشياء يمكن ما تطري ع بالي وحد غيري سواها فحبيت استفيد من خبرات الجميع والصراحه ما قصرتوا ويايه وخاصة غاليتي مسا الاحساس
صباح الانوار يا احلى اموووونه
نحن في المنصور ندعوك لتشاركينا مشاريع امينات السر اللي ما تخطر على البال
ماشاء الله دوم يبهرونا ببرامج متنوعة ومسابقات وانشطة مدرسية
اتمنى تزورين مدرستنا وتشاركينا بجديدج
الله يعطيج العافية
والله ودي اشاركم بس وين مدرستكم ؟؟؟ وانا حاضرة بسوي لكم زيارة
نحن في منطقة رأس الخيمة التعليمية
مدرستنا تقع مقابل السفير مول للداخل شارع فرعي لليسار ننتظر تشريفك
بس انتم واااااااايد بعيدين عنا انا من بوظبي ومن الغربية …………….
زين نحن من العين تقدرين تزورينا الموجهين عندنا مسوين تبادل زيارات وبخبرهم يسون لنا تبادل زيارات مع مدارسكم
ياريت والله وحياكم الله بتنور مدرستنا بكم
ونترقب زيارتكم لنا …………
صباح الخير ومساء الخير
إلى أختي الغالية أحلى أمونه أنا المشاركة الجديدة في المنتدى وأنا أكثر المعجبين بآراء إستاذي سيف المطوع تحسي إنه يعطيج دافع ما شاء الله عليك أستاذي
أحلى أمونه أريد أتواصل معاج على الإيميل أنا أمينة سر
صباح الخير ومساء الخير
إلى أختي الغالية أحلى أمونه أنا المشاركة الجديدة في المنتدى وأنا أكثر المعجبين بآراء إستاذي سيف المطوع تحسي إنه يعطيج دافع لا تقول كل شي مثل يوم حاولي انج تقولي لا اليوم بغير في أشاء كثيرة ما شاء الله عليك أستاذي
** أحلى أمونه أريد أتواصل معاج على الإيميل أنا أمينة سر**
فديت أبوها
هلا باختي احلا امونه بصراحه اعجبني حبك للعمل وحبك للتغيير
شخصيا اتوقع انج تروحين تزورين امينات سر في مدارس ثانيه فكره جميله
وراح تستفيدين منها واااااااااايد نحن بزيارتنا للمدارس الثانيه قدرنا ناخذ افكار وايد ونستفيد منهم
وبعدين انتي ممكن تاخذين الفكره واطورينها …
بالتوفيق اختي …
واتمنى تخبرينا اذا طورتي شي ..
راح اتريه ابداعاتج بالشغل علشان الكل يستفيد…
اخوج عقيل الحوسني
