ينرجم طفل الأماني لا طرى للبعد طـــــــاري
بس أبسأل وش يحدك تذبحي طفل غريـــر ؟
إكسري قيد الغياب ورجّعي ضحكة نهـــاري
توحشيني؟! إلا قولي الدار كلها تستجيــــــر
المرايا.. الزوايا .. الفجر م النور عـــــــاري
كل شي بعدك ترامى بين مطعون وكسيــــــر
للقدر هم ومواجع والهوى يرفض خيــــاري
والا انا لو جات بيدي ما رضيت أحيا أسيــر
إيه متيم قولي عني بس رديه اعتبـــــــــاري
تهت أنا في شهد عينك ..ياهو كم فيها كثيـر
يعني معقوله جهلتي أو يسليك انتظـــــــاري
أو أنا يا بنت ظنك عالهوى توي صغــــــــير
والله انك من رحلتي كلها عميا ديــــــــــاري
أكذب أكذب لو أقول إني مع الفرقا بخيــــــر
علميني وين أبلقى زيّها عيونك عــــــــذاري
خبريني في غيابك ليه أحس الكون غيــر ؟!
جايز ألقى ف الصبايا منهو لحسنك يبــاري
بس قلبك ما تشابه آآآه يالقلب الكبيــــــــــر
فهميني عقب هذا وش بقى ف ليل المساري
والحمام اللي تهاوىكيف من بعدك يطيــــــر
إهمسي يفلاان أحبك اخمدي بالجوف ناري
زلزلي حدب الحنايا فوّحي الدنيا عبيــــــــــر
إزهمي طفل بحنانك لا يجي للبعد طـــــــاري
داخلن بالله دخيلك دامها عيونك مصيـــــــــر
