شحالج اختى فمان الله ، أنا عضوه يدية في هذا المنتدى الرائع
ويعطيج الف عافية على المشاركات التي تقدمينها واللي يقدمنها باجي الأخوات ، وبغيت مساعدتكم في كذا شغله انا عندى درس توضيحي لخبرة الهوائد ( التعرف على فوائد الهواء) بعد الإجازه وحابه انكم تساعدوني في بعض الأفكار ، تصميم بعض الألعاب الإدراكية ،تهيئة للدرس ، وتطبيقات .
والرجاء منكم المساعده لاني فعلا محتاجه لها .. ولن انسى جميلكم .. ويزاكم الله ألف خير ..
 |
تطبيق عن الهواء.jpg (16.8 كيلوبايت, المشاهدات 40) |
|
المشاركة الأصلية كتبت بواسطة فقاعة
 السلام عليكم ورحمه الله وبركاته
شحالج اختى فمان الله ، أنا عضوه يدية في هذا المنتدى الرائع والرجاء منكم المساعده لاني فعلا محتاجه لها .. ولن انسى جميلكم .. ويزاكم الله ألف خير .. |
السموحة الغالية ما حصلت لج وايد عن وحدة الهواء
|
تطبيق عن الهواء.jpg (16.8 كيلوبايت, المشاهدات 40) |
اهلا اختي فقاعه سامحيني على التأخييييييير لني ما كنت متواجده
من خلال مشاركتي في اكثر من مدونة راح انقل لج بعض الأشيا اللي راح تساعدج في خبرتج واتمنى اني اكوون ساعدتج وهذي الأفكار من اخوااات شاركن في المنتديات الأخرى :
المنبه تقدرين تخلينه قصه انج تقولين كان في بنت تبي تزور صديقتها المريضه وقبل جم يوم من الزياره اشترت ورده وحطتها بعلبه ولما راحت تقدمها لصديقتها لقتها ميته
تسالين الاطفال ليش ماتت الورده
الاجابه لان البنت احرمتها من الهواء والهواء تحتاجه الكائنات الحيه
وتقولين تصرف البنت غلط يجب ان نحرص على توفير الهواء للنباتات وهالشي يعتبر سلوكي
وبعدها تسالين الاطفال بس النبات يحتاج هواء
قوليلهم وهم الانسان والحيوان يحتاجون الهواء
وبعدين اساليهم من اعطانا الهواء يقولون لج الله سبحانه وتعالى
وحطيلهم ايه قرانيه عن الهواء
وخليهم يقلدون صوت الريح ويحركون ايدهم مع التقليد
*****************
المنبة : قصة بمسرح العرائس
ولد امه شرت له شتله بيوم التخضير وراح قام حطها بكبته
لما قعد الصبح لهاها ميته ليش ؟
حرمها من الماء والهواء
هي تحتاج ماي وهواء
فامه قالت له ما يصير هذي كائن حي وتحتاج تتنفس الهواء مثلنا وتشرب الماي
وتسالينهم
منو بعد يحتاج الهواء غير النبات
*****************
يتعرف على أهمية الهواء للكائنات الحية
يقدر أهمية الهواء
يقلد حركة التنفس
المنبه : كيس مربوط بداخله نبات ميت
تقولين للاطفال أحضرت لكم هدية جميله من البيت وأجعلى أحد الاطفال يفتح الكيس وعند أخراج النبات أرسمى الدهشه على وجهج والحزن
ماذا حدث لوردتى الجميله ؟؟ لقد كنت أسقيها بالماء كل يوم ؟؟؟؟
لما يفكرون خليهم يتكلمون على الهواء وأهميته بالنسبة للانسان والحيوان والنبات
والسلوكى قولي لهم ما رأيكم ان تشاهدوا قصه جميله على جهاز الكمبيوتر وشغلى قصه عن الولد اللى ما يفتح النافذه وما يهوى الغرفه تلقينا بالسي دي
ووقفى عند المنظر الاول وقولى لهم ما رأيكم بسلوكه ؟
وبعدين افتحى المنظر الثانى عشان يشوفون السلوك الصحيح
وقولى لهم انتم تفتحون النافذه بغرفتكم ؟
يلا خل نقلد حركه التنفس
شهيق وزفير
وروحى معاهم وفتحوا الدريشه اللى بالصف وقولي لهم بنخلى الهواء يدخل بالصف لاننا نحتاج الهواء …
حطى أغنيه عن الهواء وغنى معاهم
اذا عندج مسابقه سويها
******************
يبي قطن رشيه اسود
وسحبيه حيل لين يصير وياج مثل الدخان
يبي علبه كلينكس
جلديها بلون رمادي …
حطي القطن داخل
وانتي مع اليهال سوي روحج تبين كلينكس
طلعي اشوي من القطن لي بره … وناقشيهم المهم ان شكله يشبه الدخان ..
يتخيلون شنو ممكن يكون طالع منه
ممكن من بيت يحترق
من مصنع
من سياره …
جهزي لج جم شغله مثل غرا… ورق ملون …رولات الكلينكس ملوت المطبخ او الحمام >اعزكم الله<
سوي معاهم مشرروع مصنع …..ناقشيهم بالدخان شيسوي بالهوا
وبالانسان والنبات
|
تطبيق عن الهواء.jpg (16.8 كيلوبايت, المشاهدات 40) |
|
تطبيق عن الهواء.jpg (16.8 كيلوبايت, المشاهدات 40) |
أخواتي مواضيعكم كلها حلوة وبوركت الايادي التربوية ..ولكن لي طلب وهو قصة عن الاب لوحدة الاسرة .
|
تطبيق عن الهواء.jpg (16.8 كيلوبايت, المشاهدات 40) |
|
تطبيق عن الهواء.jpg (16.8 كيلوبايت, المشاهدات 40) |
|
تطبيق عن الهواء.jpg (16.8 كيلوبايت, المشاهدات 40) |
|
تطبيق عن الهواء.jpg (16.8 كيلوبايت, المشاهدات 40) |
|
تطبيق عن الهواء.jpg (16.8 كيلوبايت, المشاهدات 40) |
